ЯҢАЛЫКЛАР
Безнең авыл җирлеге һәр чакырылыш саен лаеклы улларын армиягә озата. Алар Россиягә намус белән хезмәт итеп, үзләренең кече ватаннарына әйләнеп кайталар. Ватанны ярату, хөрмәт итү һәм аның белән горурлану гына аз булуын аңлыйлар алар. Кешене сүзләр түгел, ә аның эшләре бизи. Һәр көн якыннарың, әти-әниләрең һәм дусларың горурлана алырлык изге эшләр белән үтәрлек итеп яшәргә кирәк. Шушы сүзләрне раслагандай, Зур Тигәнәле авылы призывникларының берсе Вальщиков Салават Фәнис улы вакытын бушка уздырмый, 2014 елның язында хәрби хезмәткә чакырылырга тиешле егетләр арасында, спортның хәрби-кулланма төре буенча республика зона спартакиадасында “24 килограммлы гер күтәрү” номинациясендә катнашып, беренче урынны алды. Без аңа уңышлы хезмәт итүен телибез һәм аның, Экзюпери әйткәнчә, армиягә кадәр үзе яшәгән, халыкның гореф-гадәтләре, гаилә бәйрәмнәре сакланып калган туган авылына чын ир-егет булып кайтачагына ышанабыз.
Алексеевск үзәк район хастаханәсенең стоматология поликлиникасы мөдире, Казан дәүләт медицина академиясенең ортопедик стоматология һәм гомуми практика стоматологиясе ассистенты Дамир ФАТТАХОВ белән әңгәмәбез нәкъ менә шул хакта.
2014 елның 16 маенда “Без үзебез” исемле иреклеләр отряды аграр яшьләр берләшмәсе һәм Алексеевск аграр колледжы белән берлектә Бөтенроссия ышаныч телефоны көненә багышланган акция үткәрделәр. Чара барышында волонтерлар Алексеевск бистәсе мәктәпләренә бардылар һәм мәктәп укучылары белән таныштылар. Актлар залларында аларга “Ышаныч телефоны”ның нәрсә икәнлеге һәм аннан ничек файдаланырга кирәклеге турында сөйләделәр. Укучылар белән сөйләштеләр, чара азагында укучыларның “Ышаныч телефоны”ныннан хәбәрдар булуларын ачыклау максатында анкета үткәрделәр.
Безнең “Массенза”ның тарихы 2014 елның гыйнварында Татарстан Республикасы Транспорт һәм юл хуҗалыгы министрлыгында “Түгәрәк өстәл”дән башланды. Татарстан Республикасы Президенты Рөстәм Миңнеханов катнашында үткәрелгән киңәшмә “Татарстан Республикасында полимер-битум беркеткеч җитәештерү технологиясе” дип аталды. «MASSENZA» җайланмасында полимер-битум беркеткеч җитештерү технологиясен «MASSENZA» компаниясенең Италия төркеме генераль директоры Диего Массенза тәкъдим итте. Ул полимер-битум беркеткеч-өстәмәләрне асфальт-бетон катнашмасында куллануның өстенлекләре турында хәбәр итте, бу агымдагы ремонт эшләренә чыгымнарны колеялар һәм ярыклар хасил булмау аркасында киметергә, шулай ук түшәмәләрне ремонтлауга чыгымнарны азайтырга һәм хезмәт итү срогын ике тапкыр арттырырга мөмкинлек бирә.