ЯҢАЛЫКЛАР
22 сентябрьдә бөтен Россия буйлап “Бөтендөнья автомобильсез көне” экологик акциясе үтәчәк. Бу акция җәмәгатьчелек игътибарын экология проблемаларына юнәлдерергә, шулай ук җәяү һәм велосипедта йөрү идеяләрен, җәмәгать транспортын популярлаштыруга чакырылган.
2018 елның 20 августыннан 9 сентябренә кадәр районда "Игътибар: балалар!" исемле профилактик акция булып узды. Әлеге чара кысаларында район мәктәпләрендә укучыларда һәм балалар бакчаларына йөрүчеләрдә юлларда үз-үзеңне куркынычсыз тоту күнекмәләре тәрбияләү буенча зур эш үткәрелде.
Хәзерге вакытта салым хезмәте республикабыз гражданнарына салым түләү кәгазьләрен формалаштыра. Физик затларның милек салымнары турындагы сорауларны без ТР буенча Россия Федераль салым хезмәте идарәсе җитәкчесе Марат Сафиуллинга бирдек.
- Марат Әдипович, милек салымнарын түләү турында салым кәгазьләрен таратуның иң кызган чагы. Кайбер гражданнар аларны алдылар инде, күпләр әле алмаган. Татарстан халкы милек салымнарын түләүгә салым кәгазьләрен кайчан алып бетерәчәк?
- Салым кәгазьләрен тарату этаплап үткәрелә һәм бу елның октябренә кадәр төгәлләнәчәк. Шул уңайдан алар Россиянең кайбер шәһәрләрендә (Волгоград, Түбән Новгород, Красноярск, Кемерово, Мәскәү, Санкт-Петербург, Уфа) «Налог - сервис» федераль казна учреждениеләре филиаллары типографияләрендә күпләп бастырыла. Белдерү кәгазьләре шул шәһәрләрнең теләсә кайсысыннан килергә мөмкин. Салым түләү кәгазьләре салым түләүчеләргә –шәхси кабинеттан файдаланучы физик затларга - электроy рәвештә, калган салым түләүчеләргә почта аша җибәрелде.
Шул ук көнне иртәнге 9 нчы яртыда Алексеевск районы хакимиятенең утырышлар залында өченче чакырылыш Алексеевск шәһәр җирлеге Советының 26 нчы утырышы чакырыла.
14 сентябрьдә көндезге 2 дә Алексеевск районы хакимиятенең утырышлар залында өченче чакырылыш Алексеевск муниципаль районы Советының егерме алтынчы утырышы булачак.
14 августта бөек химик, үзенең ачышлары белән бөтен дөньяга танылган галим, органик химиянең төп законын беренче ачучы күренекле якташыбыз Александр Михайлович Бутлеровка 190 яшь (1828—1886) тулды.
15 сентябрьдә чаңгы базасында районыбыз предприятиеләре һәм оешмалары арасында Х спартакиада кысаларында “Милләтләр кроссы” булачак. Йөгерүдә катнашучыларга 2 километрлы дистанцияне үтәргә туры киләчәк.
Районыбызда көзге культураларны чәчү төгәлләнде. Көзге культуралар басуы быел 22,5 мең га тәшкил итте, бу узган елгы күрсәткечләрне 1500 гектарга узып китә
Алексеевск архивы Россия дәүләт архив хезмәтенең 100 еллыгына багышланган чаралар кысаларында иң кызыксынучан кешеләр – мәктәп укучылары алдында үз ишекләрен ачты.
Архив начальнигы Лариса Козонкова район үзәгендәге өченче мәктәпнең сигезенче сыйныф укучылары өчен экскурсия үткәрде.
Алия Гайнуллина «Язылган өчен телевизор!» акциясендә приз отты!