Марат Сафиуллин: «Милек салымнарын үтәүдә яңалык"

Хәзерге вакытта салым хезмәте республикабыз гражданнарына салым түләү кәгазьләрен формалаштыра. Физик затларның  милек салымнары турындагы сорауларны без ТР буенча Россия Федераль салым хезмәте  идарәсе җитәкчесе Марат Сафиуллинга бирдек.

• Марат Әдипович, милек салымнарын түләү турында салым кәгазьләрен таратуның иң кызган чагы. Кайбер гражданнар аларны алдылар инде, күпләр әле алмаган. Татарстан халкы милек салымнарын түләүгә  салым кәгазьләрен кайчан алып бетерәчәк?
• Салым кәгазьләрен тарату этаплап үткәрелә һәм бу елның октябренә кадәр төгәлләнәчәк. Шул уңайдан алар Россиянең кайбер шәһәрләрендә (Волгоград, Түбән Новгород, Красноярск, Кемерово, Мәскәү, Санкт-Петербург, Уфа) «Налог - сервис» федераль казна учреждениеләре филиаллары типографияләрендә күпләп бастырыла. Белдерү кәгазьләре   шул шәһәрләрнең теләсә кайсысыннан килергә мөмкин. Салым түләү кәгазьләре  салым түләүчеләргә –шәхси кабинеттан файдаланучы физик затларга  - электроy рәвештә, калган салым түләүчеләргә почта аша  җибәрелде.

Шәхси кабинетлардан файдаланучылар буларак теркәлгән  барлык салым түләүчеләргә, үзегезнең шәхси кабинетыгызны тикшерегез, дип мөрәҗәгать итәм. Электрон сервислардан файдаланмаучы гражданнарның исләренә төшерәм:  квитанцияләр заказлы хат белән җибәреләчәкләр, аларны почта бүлекчәсенә барып алырга кирәк булачак.

• Быел физик затлар  салымнарын нинди срокта түләргә тиешләр?
• Тораклары, гаражлары, корылмалары, төзеп бетерелмәгән объектлары, җир кишәрлекләре һәм транспорт чаралары  булган гражданнар тиешле салымнарын, атап әйткәндә, физик затлар милкенә салымны, җир һәм транспорт салымнарын һәм кайбер очракларда физик затлар кеременә салымны 2018 елның 3 декабренә кадәр түләргә тиешләр.
• Быел ничә граждан салым кәгазьләре алачак?
• Физик затларның милек салымнары буенча исәп-хисаплар төгәлләнгәннән соң 2 миллионнан артык граждан салым кәгазьләре алачак.
• Республикабыз гражданнарын салым түләү кәгазьләрендәге үзгәрешләр кызыксындыра.
• Җир салымы буенча законнарда үзгәрешләр булу сәбәпле ташламалардан файдаланучы гражданнар саны артты. Шул уңайдан салым түләүчеләрнең ташламалы категорияләре арасына пенсионерлар да кертелде. Ташлама бирү механизмы да үзгәрде: салым салудан "алты сутый” азат ителә.