ЯҢАЛЫКЛАР
Казлар – авыл тормышының шигърияте. Язын бала-чага болында каз бәбкәсе саклый. Җәй барыбызның да хәтеренә инеш тулы ап-ак каз көтүләре һәм кичен өенә кайтучы кош чылбырлары белән кереп кала. Ә кар явып инештә су боз белән каплануга, кош уңышын җыю, ягъни “каз өмәләре” башлана.
Кичә кешеләргә “Ипотека буенча өй төзү“ федераль программасы буенча төзелгән 27 фатирлы өйнең ачкычлары тапшырылды. Бу өйдә яшь гаиләләрдән тыш, ике ятим һәм Бөек Ватан сугышында катнашкан бер кешенең улы күчте. Алексеевск муниципаль районы башлыгы Владимир Козонков өй төзүчеләргә рәхмәт әйтте, аларга истәлекле бүләкләр һәм яңа өйнең ачкычларын тапшырды. Кешеләр үзләре билгеләп үткәнчә, бу – Яңа елга искиткеч әйбәт бүләк.
Бүген сәгать 10да район Советының утырышлар залында 2013 елның 11 аендагы эш йомгаклары буенча предприятие һәм оешма җитәкчеләре белән киңәйтелгән утырыш үткәрелде. Эш көне тәртибендә түбәндәге мәсьәләләр каралды.