Республика белән бергә Киләчәккә ышанычлы адымнар

Төбәк икътисадын һәм социаль өлкәсен үстерү динамикасы, халыкның башкарма хакимият органнары эшчәнлеген бәяләвен исәпкә алып, –нәтиҗәлелекне бәяләүнең төп критерие, ул узган өч елда унбер күрсәткеч буенча үткәрелә. Шул рәвешчә, Татарстан югары күрсәткечләрне саклап кына калмый, ә бәлки барлык социаль-икътисадый юнәлешләр буенча алгарышлы үсүен дә күрсәтә.
Болар, һичшиксез,  соңгы биш елда иң мөһим социаль-икътисадый күрсәткечләр буенча лидерлык позициясен ныгытучы ТР Президенты Рөстәм Миңнехановның Татарстанның тотрыклылыгын һәм үсешен тәэмин итүче стратегиясенә булышачак.
Монда, һичшиксез, безнең районның өлеше дә бар, аның территориясендә үзләрен шактый уңышлы яктан күрсәткән сәнәгать һәм төзелеш предприятиеләре эшли. Сәнәгать комплексы предприятиеләренә килгәндә, болар, беренче чиратта,  – кирпеч эшләп чыгаруга нигезләнгән “Алексеевск керамикасы” (ул 2015 елның дүрт аенда узган елның шул ук чорына караганда продукцияне 10 процентка күбрәк эшләп чыгарды), сөт әзерләү һәм эшкәртү белән шөгыльләнүче сөт-консерв комбинаты, нәфис әйберләр туку фабрикасы (аның эшләнмәләре республикада гына түгел, ә аннан читтә дә яхшы таныш һәм аларга сорау зур). Алар бу елның дүрт ае йомгаклары буенча  сәнәгать продукциясен үткән елның шул ук чоры белән чагыштырганда 16 процентка  күбрәк җитештерделәр.
Төзелеш комплексы предприятиеләре дә куелган бурычларын уңышлы үтәүләрен дәвам иттерәләр. Мәсәлән,  бер елда кертелергә тиешле 14  мең кв.метр торакның 5,6 мең кв.метрдан артыграгы файдалануга тапшырылды инде. “Керамика-Маркет” хезмәткәрләре район үзәгеннән ерак түгел Лебяжье авылында яңа балалар бакчасының нигезен салалар. Сүз уңаеннан әйткәндә, узган елның сентябрь башында бистәдә балалар өчен “Бал корты” исемле яңа балалар бакчасы үз ишекләрен ачты. Ремонт эшләре бара: Биләр амбулаториясе торгызыла, ФАПларны һәм амбулаторияләрне җиһазлар белән тәэмин итү Программасы кысаларында анда һәм шулай ук Новоспасск ФАПына медицина җиһазлары кайтты һәм куелды. Үзәк район хастаханәсе лабораториясенең, диагностика һәм гинекология бүлекләренең түбәсе алмаштырыла, медицина кабинетлары, биналар һәм  аларның тышкы күренешләре менә ничә еллар дәвамында реконструкцияләнә инде. Шунысы үзенчәлекле, барлык бу эшләрнең күбесе федераль һәм республика социаль-икътисадый үсеш программаларын гамәлгә ашыру кысаларында алып барыла. Алексеевск районында гына түгел, ә бәлки республиканың Әлки, Спас, Чистай һәм башка районнарында да юллар төзүче һәм ремонтлаучы “Алексеевскдорстрой” предприятиесенең шактый уңышлы үсүен дә искә алып китәргә кирәк.
Шунысын да билгеләп үтик, ФАП, балалар бакчалары, күп функцияле үзәкләр, авыл җирлекләрендә участковый өйләре, күп фатирлы өйләр, мәктәпләр кебек социаль яктан әһәмиятле объектларны реконструкцияләү, төзү яки капиталь ремонтлау актив төстә дәвам итә (сүз уңаеннан әйткәндә, чираттагы фельдшер-акушерлык пункты Җиңү көнендә Кыркүлдә ачылды). Кешеләр инициативасы белән чиркәүләр һәм гыйбадәтханәләр торгызыла һәм реставрацияләнә.
Якын киләчәктә Биләр янында төзелеп бетәчәк “Имәнкәй” балалар лагере социаль-икътисадый яктан мөһим роль уйнаячак. Район җитәкчеләре өлкән яшьтәге халыкны культуралы ял итүгә тарту өчен бар тырышлыгын куя, алар өчен һәртөрле тантаналар, бәйрәм чаралары, концертлар, күргәзмәләр оештырыла.
Ләкин районның уңай социаль-икътисадый үсеш динамикасына да карамастан, элеккечә район җитәкчелеге алдында торучы төп бурыч – хезмәт хакын вакытында түләү, кешеләрнең тормыш дәрәҗәсен яхшырту өчен эш урыннарын саклап калу, шулай ук районда эшләүче барлык программаларны үтәүне дәвам иттерү. Иң эре инновацион проектлар нәкъ менә шунда үсә.