Алексеевск муниципаль районы

Алексеевск районында Җиңү көнен бәйрәм итәләр

2015 елның 9 мае, шимбә

Бистәдә тантаналар хәрби җыр смотрыннан башланып китте: ветераннар һәм бистә кешеләре алдында мәктәп һәм аграр колледж укучылары, полиция хезмәткәрләре һәм районның җәмәгать оешмалары вәкилләре марш атлады. Җиңү паркында булып узган митингта ветераннарны һәм тыл хезмәтчәннәрен Җиңү бәйрәме белән җирле сәяси совет секретаре Владимир Козонков котлады. Алексеевскилылар Билгесез солдат һәйкәленә чәчәкләр куйдылар һәм Бөек Ватан сугышында һәлак булган сугышчыларны бер минут тын торып искә алдылар.

Бу көнне шулай ук биш авыл җирлегендә фронтларда сугышкан якташларыбызга һәйкәлләр дә ачылды.

Бәйрәм чаралары кичкә кадәр сузылачак, бу вакытта 1нче Алексеевск урта мәктәбенең спорт мәйданчыгында концерт булачак. Җиңү салюты төнге 10га планлаштырылган.

БАРЛЫК ЯҢАЛЫКЛАРНЫ УКУ