Татарстан Президенты Рөстәм Миңнеханов районыбызда кыр эшләренең барышы белән танышты

2015 елның 6 мае, чәршәмбе
5 майда ул район башлыгы Владимир Козонков, авыл хуҗалыгы һәм азык-төлек министры Марат Әхмәтов һәм Дәүләт Думасы депутаты Айрат Хәйруллин белән бергә район авыл хуҗалыгы җирләре өстеннән очып узды. Аның басуларны карап йөрүе тикмәгә генә түгел, чөнки авыл хуҗалыгы – республика тормышында иң мөһим тармакларның берсе,  һәм Татарстан үзен кирәкле продукция белән тулысынча тәэмин итә. Хуҗалык җитәкчеләре һәм җирлек башлыклары белән очрашуда Владимир Козонков Президентка районда чәчү эшләренең график буенча баруын бәян итте, мәртәбәле  кунакларны “Алга” колхозының авыл хуҗалыгы комплексын төзү барышы белән таныштырды. Кыска гына киңәшмә вакытында авыл хуҗалыгы һәм азык-төлек министры Марат Әхмәтов район авыл хуҗалыгы берләшмәләре җитәкчеләреннән ике көн эчендә дым каплату эшләрен төгәлләүне таләп итте. Президент Рөстәм Миңнеханов алексеевскилылар белән аралашканда, хәзер эш көне тәртибендә өч мөһим мәсьәлә: чәчүне срогында төгәлләү, барлык республика программаларын төгәл үтәү һәм Җиңү көнен лаеклы каршылау мәсьәләләре тора, дип билгеләп үтте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Кәгазь
Матбугат хезмәте
Гражданнар мөрәҗәгатьләре
Телефон: 8(84341) 2-39-00
Факс: 8(843241) 2-39-01
E-Mail: Sovet.Aleks@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International