Алексеевск муниципаль районы

Узган шимбәдә районда өстәл теннисы буенча Бөек Ватан сугышында Җиңүнең 70 еллыгына туры китерелгән ярышлар булып узды.

2015 елның 22 апреле, чәршәмбе

Кече төркемдә кызлар арасында Валерия Пашагина җиңү яулады, Аксана Йосыпова – “көмеш”, Яна Рамазанова “бронза” (барысы да Лебединодан) алуга иреште. Кече төркем малайлары арасында Виктор Ульянко иң яхшысы булды, икенче урында – Илья Лапшин (икесе дә Лебединодан), өченче урында – Дима Прачковский (район үзәгенең 2нче урта мәктәбеннән).

Кече яшь төркемендәге барлык призерлар өлкәннәр белән уйнау хокукы алдылар һәм аларның өчесе, өлкән көндәшләрен артта калдырып, яңадан уңышлы чыгыш ясадылар. Менә нәтиҗәләр. Өлкәнрәк кызлар арасында Алсу Йосыпова иң көчлесе булды. Икенче урында – Валерия Пашагина, өченче урында — Аксана Йосыпова. Малайлар арасында Никита Шутраев барысына караганда да нәтиҗәлерәк уйнады, Виктор Ульянко – көмеш, Адель Каюмов бронза призер булды. Алар барысы да лебединолылар.

БАРЛЫК ЯҢАЛЫКЛАРНЫ УКУ