Эчтеңме, рульгә утырма!

Беренче чиратта  медицина тикшерүенә җибәрү турында беркетмә төзелә. Аның күчермәсе закон бозучыга тапшырыла. Әгәр законны балигъ булмаганнар бозса, бу хакта, һичшиксез, аларның ата-аналарына яки законлы вәкилләренә хәбәр ителә. Медицина тикшерүе узудан баш тарткан очракта беркетмәгә тиешле билге куела. Шунысын да игътибарга алырга кирәк, медицина тикшерүе тиешле хезмәтләр күрсәтү эшчәнлеген тормышка ашыруга лицензиясе булган медицина учреждениеләрендә генә үткәрелергә тиеш, дип хәбәр итте район прокуроры урынбасары, беренче класслы юрист Дәнис Мәрдәншин.