Речное мәктәбендә «Родительская гостиная» ачылды

Әлеге социаль проект Россия Федерациясе Президенты каршындагы Бала хокуклары буенча вәкаләтле вәкил тарафыннан тәкъдим ителгән. Алексеевск районының психологик һәм социаль-педагогик хезмәте белгечләре «Гаилә кыйммәтләре»дигән тренинг үткәрделәр.

Чарада ата-аналар һәм балалары катнашты. Дәрес аларның эмоциональ якынаюына, киеренкелекне киметүгә ярдәм итте. Яшүсмерләрдә һәм ата-аналарда вербаль һәм вербаль булмаган ярдәм күнекмәләре формалашты.

Татарстан Республикасында Бала хокуклары буенча вәкаләтле вәкилнең җәмәгать ярдәмчесе Вера Егорова катнашучылар белән баланың психологик үсешендә гаиләнең роле, балаларның әхлакый ориентирлары һәм социаль тәртибе турында фикер алышты. Ата-аналар, үз чиратында, балаларына карата ярату, ярдәм итү, аралашу һәм хөрмәт күрсәтү аша гаилә мөнәсәбәтләрен ныгыту ысуллары белән уртаклаштылар.