COVID-19 кичергән кешеләргә нәрсә тикшерергә кирәк

2021 елның 1 июленнән Татарстан Республикасы медицина оешмаларында яңа коронавирус йогышы (COVID-19) белән авырган гражданнар ММИ полисы буенча түләүсез диспансерлаштыруны уза алалар.

Татарстан Республикасы Территориаль мәҗбүри медицина иминияте фонды хәбәр итә: банк депозиты шартнамәләре төзүгә 26.08.2014 елда уздырылган кредит оешмалары заявкаларын сайлап алу йомгаклары буенча киселеш процент ставкасы 9,0% тәшкил итә.

- Әхәт Ситдыйкович, тирәнтен диспансерлаштыруны узуның максаты нинди?

- Кичерелгән яңа коронавирус йогышы кеше органнарының барлык системаларына йогынты ясый, йөрәк-кан тамырлары һәм сулыш системалары ягыннан үзгәрешләр еш теркәлә. Шулай ук тромбозлар, тромбоэмболияләр, бөер, бавыр, ашказаны-эчәк тракты, үзәк нерв системасы ягыннан өзлегүләр дә аз түгел. Диспансерлаштыруның төп максаты-соңгы өзлегүләрне, аларның үсеш куркынычын ачыклау һәм реабилитацияне дә кертеп, кирәкле медицина ярдәмен үз вакытында күрсәтү.

- Тирәнтен диспансерлаштыруны кем һәм нинди срокларда уза ала?

- Яңа коронавирус йогышы белән авырган 18 яшь һәм аннан өлкәнрәк гражданнар.

Тирәнтен диспансерлаштыруны үткәрү датасы поликлиника тарафыннан билгеләнә. Аны авыраганнан  соң терелеп ике ай үтүгә узарга була, әмма алданрак түгел.

Яңа коронавирус йогышын кичергән гражданнар, ике һәм аннан күбрәк хроник булмаган авырулар булганда, шулай ук 60 яшьтән өлкәнрәкләр диспансерлаштыру беренче чиратта уза.

- Ә тирәнтен диспансерлаштыруны кайда узарга була?

- Тирәнтен диспансерлаштыруны узу өчен гражданин беренчел медик-санитар ярдәм алу өчен беркетелгән поликлиникага мөрәҗәгать итәргә кирәк.

- Әйтегез әле, әлеге диспансерлаштыру үз эченә нәрсәне ала һәм ул гадәти диспансерлаштырудан нәрсә белән аерыла?

- Тирәнтен диспансерлаштыру ике этапны үз эченә ала. Беренче этапта канны кислород белән туендыруны (сатурация) үлчәү үткәрелә; 6 минутлык йөреш белән тест (кан кислородның башлангыч сатурациясе 95 процент һәм күбрәк булган очракта, гражданинның беренче тапкыр пәйда булган яки аларның интенсивлыгы арткан сулыш юлының зарланган шикаятьләре булу белән ярашып) үткәрелә;

гомуми һәм биохимик анализ ясала һәм башка тикшерүләр үткәрелә.

Хроник йогышлы булмаган авыруларның үсеш билгеләре, аларның үсеше риск факторлары ачыкланган очракта, шулай ук авыруның (халәтенең) диагнозын ачыклау өчен табиб-белгечләр тарафыннан өстәмә тикшеренүләр һәм тикшерүләр уздыру өчен медицина күрсәткечләрен билгеләү өчен граждан икенче этапка җибәрелә.

 Диспансерлаштыруның икенче этабы үз эченә эхокардиографияне, үпкәләрнең компьютер томографиясен (сатурация күрсәткече 94 процент һәм аннан да түбәнрәк булган очракта, шулай ук 6 минутлык йөреш белән тест үткәрү нәтиҗәләре буенча), аяк-кулларны комплекслы сканерлауны ала.

Әлеге тикшеренүләр беренче этапта ачыкланган анализларда үзгәрешләр булганда гына үткәрелә.

- Әхәт Ситдыйкович, әгәр гражданин быел диспансерлаштыруны узган булса, тирән диспансерлаштыруны узарга мөмкинме?

- Тирәнтен диспансерлаштыру коронавирус йогышын кичергән кешеләр өчен мәҗбүри. Гражданның тирәнтен диспансерлаштыруны тикшерүнең өстәмә ысулларын үтәргә тулы хокукы бар.

- Гражданнар диспансеризацияне узу урыны һәм вакыты турында ничек белә алалар?

- Поликлиникалар тарафыннан ай саен коронавирус инфекциясе белән авыручы һәм тирәнтен диспансерлаштырылырга тиешле гражданнар исемлекләре төзелә. Әлеге исемлекләр нигезендә иминият компанияләре иминиятләштерелгән гражданга СМС-хәбәрләр, почта аша җибәрүләр, телефон шалтыратуы, мобиль җайланмалар өчен мессенджерлар, электрон почта аша хәбәр итә.

Әлеге инфекцияне кичергән барлык гражданнарга да диспансерлаштыруны бушлай үтү мөмкинлегеннән файдаланырга киңәш итәбез.