Волонтерлар ярдәм итәчәк

Илледән артык волонтер үз-үзеңне изоляцияләү режимында булган алексеевскилыларга ярдәм итә.

Сүз өлкән яшьтәге якташларга азык-төлек һәм медикаментлар китерүче кешеләр турында бара. Шәхси саклану чаралары һәм барлык кирәкле документлар белән коралланган яшьләр аш-су һәм медпрепаратларны адресатлар буенча ташыйлар. Бу хезмәткә ихтыяҗ көннән-көн арта, рәхмәтле алексеевскилылар саны да арта.

«Бу кызлардан башка нишләр идек, - дип уртаклаша район үзәгендә яшәүче Валентина Степановна, - ирем белән икебезгә 85 яшь. Без риск төркемендә, диләр. Балалар башка шәһәрдә яшиләр. Сәламәтлек белән шаярасы килми. Менә без волонтерларга ярдәм сорап мөрәҗәгать итәбез. 2-39-49 телефоны буенча шалтыраттык, кирәк булган азык-төлек һәм даруларны атадык, ярты сәгать тә үтмәде, ишеккә шалтыраттылар: заказ биргәннең барысын да өебезгә китереп бирделәр. Бик җайлы. Безгә, картларга, ярдәмгә килергә әзер булганнары һәм ачык йөрәкләре өчен рәхмәт".

Волонтерлар азык-төлек китерү эшендә генә катнашмый. Эчке эшләр министрлыгы ветераннары арасыннан ирекле оештырылган блокпостларда аңлату эшләре алып баралар. Автомобиль йөртүчеләрнең күбесе район буенча шәхси транспортта йөрмәскә, таләпләрне үтәргә дигән киңәшкә колак салдылар. Тик, кызганычка каршы, күрелгән чаралар турында берни дә ишетмәгән кешеләр дә бар. Хокук сакчыларына һәм эчке эшләр министрлыгының Ветераннар советыннан килгән волонтерга урамга чыгып, аңсыз гражданнарга, янәсе, махсус үткәрмичә генә, бөтен поселок аша челтәр кибетенә бармыйча гына, азык-төлек сатып алырга хокуклы булуларын аңлатырга туры килде.

Кадерле алексеевскилылар, файдасыз бәхәскә керәсе урынга, үз-үзегезне изоляцияләү кагыйдәләре белән танышыгыз. Аларны без икенче биттә җентекләп бәян иттек. Барлык чикләү чаралары, барыннан да элек, сезнең сәламәтлегегезне саклап калырга тиеш!