“Кайгырту” приюты балалары өчен танып-белү экскурсиясе үткәрелде

26 мартта социаль педагог Смелова Н.А. белән психолог Конова Н.Е. мәктәп яшендәге балалар белән бергә патриотик хисләр, туган як тарихына ихтирам тәрбияләү максатында Алексеевск сугышчан дан музеена бардылар.
Балалар өчен төрле экспонатлар, фоторәсемнәр куелган музей залы буйлап кызыклы һәм танып-белү экскурсиясе үткәрелде. Алар Алексеевск районы солдатлары илебезне саклап Әфганстанда һәм Төньяк Кавказда сугышкан елларны аңларга һәм күрергә ярдәм иттеләр.
Балалар экспонатларны канәгатьләнү белән карадылар. Балаларга сугышчан дан музееның Бөек Ватан сугышына багышланган залы бигрәк тә ошады. Бу залда сугыш ветераннары фотопортретлары, орденнар һәм медальләр белән бүләкләнүчеләр исемлекләре тәкъдим ителгән. Витриналарда – бүләкләр һәм күкрәк таныклыклары, рәхмәт хатлары, фронттан язылган хатлар, сугышта катнашучыларның шәхси әйберләре, корал макетлары урын алган.
Балаларда музейга бару, анда күргән экспонатлар зур тәэсирләр калдырды. Экскурсия тәмамлангач, алар экскурсоводларга күргәзмә эшләре турында җентекләп сөйләүләре өчен рәхмәт әйттеләр.