5 мартта Сергей Анатольевич аграр колледжга барды, анда аны директор Александр Солдатов белән педагогия коллективы каршы алды.
Колледжның актлар залында Александр Алексеевич Кама аръягының авыл хуҗалыгы производствосына турыдан-туры мөнәсәбәте булган иң кирәкле һөнәри уку йортларының берсенең тормышы һәм бурычлары турында сөйләде.
Очрашу азагында Сергей Демидов хатын-кызларны якынлашып килүче бәйрәм белән котлады һәм педагогия коллективы Россия Федерациясе Президентын сайлауда актив катнашачак, дигән өмет белдерде.