Хоккей турнирының җиңүчесе билгеле булды

2014 елның 25 гыйнварыннан 22 февраленә кадәр Алексеевск муниципаль районы башлыгы призына ир-атлар арасында алкалы  хоккей буенча турнир булып узды. Анда «Алексеевскдорстрой” ААҖ,  «Яшьләр», « Ромодан», “Юеш Көрнәле”, “Урта Тигәнәле”,  «Тат.Майна» командалары катнашты. 1-2нче урыннар өчен “Юеш Көрнәле” һәм “Урта Тигәнәле” командалары уйнады.

Финал уенында беренче туп бишенче минутта кертелде.

1нче период 1:0 исәбе белән Юеш Көрнәле файдасына тәмамланды.

2нче период 2:2 исәбе белән  тәмамланды.

3нче период 4:2 исәбе белән Юеш Көрнәле файдасына тәмамланды.  

  «Ромодан» һәм «Алексеевскдорстрой»ААҖ командалары җиңүгә ихтыяр көче күрсәткәннәре өчен бүләкләнделәр.

  « Яшьләр» командасы матур уйнаганы өчен бүләкләнде.

Иң яшь уенчы номинациясендә «Яшьләр”  командасыннан Салюков Алексей бүләкләнде.

Иң яхшы капитан номинациясендә   «Алексеевскдорстрой»ААҖ командасыннан Терентьев Дмитрий һәм «Ромодан» командасыннан Кудряшов Сергей бүләкләнде.