Татарстан Росреестры нинди хуҗалык корылмаларын теркәргә кирәклеген аңлатты

Еш бирелә торган сорауларның берсе – җир кишәрлегендә урнашкан хуҗалык корылмаларына хокукны теркәү кирәкме. Бу мәсьәлә буенча Татарстан Росреестры җитәкчесе урынбасары Лилия Борһанова аңлатма бирде.

– Лилия Барисовна, хуҗалык корылмаларына ни кагылышлы икәнен башта ачыклыйкмы?

– Аларга сарай, мунча, теплица, душ бүлмәсе, шулай ук участокта урнашкан, әмма торак һәм бакча йорты булмаган башка корылма керә. Башка сүзләр белән әйткәндә, бу төп бина белән элемтәдә булган һәм ярдәмче яки хезмәт күрсәтү функциясен үтәгән корылмалар.

- Нинди корылмага хокукларны теркәргә кирәк?

- Барлык ярдәмче корылма да «күчемсез милек», ягъни кадастр исәбенә алына торган һәм хокукы теркәлә торган объект булып тормый.

Хокукы теркәлергә тиешле күчемсез мөлкәтнең төп билгеләренә түбәндәгеләрне кертергә мөмкин: 

- корылманың фундаменты булуы, объектның җир белән ныклы бәйләнеше, мондый объектны күчерү аның билгеләнешенә зур зыян китермичә мөмкин булмаганда (еш кына бу тирәнәйтелгән фундамент, таяныч һәм киртә конструкцияләре булуда чагыла);

- объект әзерләнгән материал (тоташ материаллар, мәсәлән, кирпеч, блоклар, агач төзелешнең аерым технологияләре, ә аларның билгеләнешенә зыян китермичә ирекле хәрәкәт итә ала торган сүтелә торган конструкцияләр түгел).

Әгәр корылма бу критерийларга туры килә икән, аңа хокукны теркәргә кирәк. Аларга эләкмәгән объект кадастр исәбенә куелырга тиеш түгел һәм аңа хокук теркәлми.

Еш кына гражданнар торак йорт белән бергә капиталь гараж һәм мунчага хокук терки.

Сүтелә торган теплица, беседка һәм түбәләрне, урам душ кабиналарын, шулай ук башка габаритсыз корылмаларны үз участогыңда кадастр исәбенә куелмыйча һәм аларга хокукларны теркәмичә куярга мөмкин.

- Капиталь булган хуҗалык корылмасына хокукны ничек теркәргә?

- Корылмага хокукны теркәү өчен аны кадастр исәбенә алырга кирәк.

307-ФЗ номерлы закон белән кадастр исәбенә кую һәм ИТТ өчен җир кишәрлекләрендә урнашкан хуҗалык корылмаларына хокукны теркәү, торак пункт яисә бакчачылык чикләрендә шәхси ярдәмче хуҗалык алып бару процедурасы гадиләштерелде.

Кадастр инженерына мөрәҗәгать итү дә җитә, ул хуҗалык корылмасының характеристикасын (координатлар, мәйдан) билгеләячәк һәм күчемсез милек объекты турындагы декларация нигезендә техник план әзерләячәк.

Алга таба кадастр исәбенә алу һәм хокукны теркәү турында гариза, шулай ук кадастр инженеры әзерләгән техник планны тапшырырга кирәк.

Милекче моны кадастр эшләрен башкаруга подряд шартнамәсендә тиешле мәгълүматны язып, шәхсән яки кадастр инженеры вәкаләте белән эшли ала.

- Хуҗалык корылмаларын төзегәндә нәрсәгә игътибар итәргә кирәк?

- Участоктан рөхсәт ителгән файдалану төрен исәпкә алырга кирәк. Әйтик, җир кишәрлеге яшелчәчелек алып бару өчен каралган булса, анда капиталь төзелеш объектын торгызырга ярамый. Инвентарь һәм уңышны саклау өчен күчемсез милек объекты булмаган хуҗалык корылмасын гына урнаштырырга мөмкин. Ә менә бакча участогында җир белән нык бәйләнгән капиталь ярдәмче корылма урнаштырырга мөмкин.

Моннан тыш, хуҗалык корылмаларын төзү җирдән файдалану һәм төзелеш кагыйдәләре составында расланган тиешле территориянең шәһәр төзелеше регламенты таләпләрен үтәп, шул исәптән җир кишәрлекләре чикләреннән чигенүләрне саклап башкарылырга тиеш.

Матбугат хезмәте