“Без республика өчен авыр йөк түгел”

Киңәшмә башында башкарма комитет җитәкчесе урынбасары Татьяна Сергеева аудиторияне күрсәткечләр белән таныштырып үтте һәм анализны узган елның шул ук чорында килеп туган хәл белән чагыштырып ясады. Укучыларыбыз газетаның киләсе саннарының берсендә хәбәрчебез әзерләячәк икътисадый күзәтү белән танышачаклар.

Аннары сүзне Владимир Козонков алды. Ул республика җитәкчелегенең муниципалитетлар белән үзара мөнәсәбәтләре стиленең ничек үзгәрүен билгеләп үтте. Хәзер барысы да югары дәрәҗәдәге түрәләрнең шәхси кабул итүләрендә хәл ителми. Дәүләт программалары бар,  аларның сыйфаты һәм вакытында үтәлеше югарыда әйтелгән мөнәсәбәтләрне билгели. Ә андый программалар ике дистәләп. Әгәр нинди дә булса программада район “буксовать” итсә, бу юнәлештә киләчәккә җитәрлек финанслауга өмет итеп булмаячак. Менә шуңа күрә муниципаль берәмлекләр, киеренке эшкә “җигелеп”, үзләрен республика финанс ярдәме бе-лән тәэмин итәргә тырышалар. “Әгәр районнар рейтингын әлеге программаларның үтәлеше буенча анализласаң, безнең күрсәткеч начар түгел. Без республика буенча артык йөк булып тормыйбыз, – диде район башлыгы. – Аларның күбесе эшләнде инде. Якын арада Сахаровкада һәм Биләрдә полиция участковыйларының өйләре файдалануга тапшырылачак, аларда хакимият вәкилләре кешеләрнең мөрәҗәгатьләрен генә кабул итеп калмаячаклар, ә  гаиләләре белән дә яшәячәкләр. Социаль ипотека буенча төзелүче 27 фатирлы өй тапшыруга әзерләнә. Районда алексеевскилыларның тормышын яхшырту өчен күп эшләнә. Якындагы өч елда җимерек өйләрдән кешеләрне күчерү программасы кысаларында 42 гаилә лаеклы торак алачак.

Боларның барысы хакында да сессияләрдә депутатлар сөйләячәк. Иң мөһиме шул – киләсе елга инде районның  күп кенә промышленность һәм төзү предприятиеләре өчен гарантияләнгән эш күләмнәре бар. “Районның тагын да үсүе өчен икътисадый нигез бар”, – дип йомгак ясады Владимир Козонков.