ЯҢА ҖИҢҮЛӘР

Алексеевск көрәшчеләре билбау көрәше буенча дөнья чемпионаты пьедесталын яуладылар.

10-13 ноябрь көннәрендә Казанның «Ак Барс» көрәш сараенда билбау көрәше буенча дөнья чемпионаты узды. Татарстан башкаласында үз осталыкларын күрсәтү һәм чемпион исеме өчен көрәшү өчен ерак һәм якын чит илләрнең 35 милли спорт федерациясеннән 500 дән артык спортчы җыелды. 84 комплект бүләк уйнатылды. Чемпионат ике стиль: ирекле һәм классик стиль буенча үткәрелде.

Алексеевск районы спортчылары 4 медаль яулады:

Гыйззәтуллина Динә-ирекле стильдә 1 урын;

Закиров Илнар-классик стильдә 1 урын;

Абрамов Алексей-классик стильдә 1 урын;

Латыйпов Тимур-ирекле стильдә 3 нче урын.

Көрәшчеләребезне югары спорт нәтиҗәләренә ирешүләре белән котлыйбыз һәм аларга киләчәктә дә халыкара аренада уңышлар телибез. Һәр яңа старт яңа җиңүләр һәм илһам китерсен.