Мошенниклар тик ятмый

Полициядән шалтырату: «Сөйләшү бик яшерен. Аның турында беркемгә бер сүз дә әйтмә». Телефон трубкасыннан таныш булмаган җитди тавыш белән әйтелгән мондый сүзләрне кем ишетмәгән?

Шуннан соң куркыта торган сүз: «Хәзер үк Сезнең банк картасыннан җинаятьчел оешма хисабына акча күчерергә маташалар». 

Сез киеренкеләнәсез, ләкин тавыш һаман да киеренкеләнә: «Сез якындагы банкоматка барып, картадагы бөтен нәрсәне куркынычсыз счетка күчерергә тиешсез. Хәзер без аның номерын сезгә СМС буенча җибәрәбез. Телефонны һичшиксез үзегез белән алыгыз».

Әгәр дә сез риза булсагыз, алга таба: «Хәзер сезгә куркынычсыз счет картасы номеры белән СМС килер. Барысын да аңа күчерегез. Ә иртәгә банк бүлегенә килерсез һәм куркынычсыз счеттан акчаны ничек кайтарып булуы турында инструкцияләр алырсыз».

Менә шулай, белеп торыгыз-беркем дә сезгә бернәрсәне дә кайтармаячак! Чөнки сез мошенниклар кармагына эләктегез.  

Ничек эшләргә кирәк:

1.  Трубканы шундук куярга.
2.  Әгәр салмасалар-берничек тә беркая да бармаска һәм бернәрсә дә күчермәскә, чит кешеләрнең йөкләмәләрен үтәргә ярамый.

Белү мөһим: 

1.  Чын полиция хезмәткәрләре беркайчан да акча күчерүне сорамый.
2.  Чын полиция хезмәткәрләренең куркынычсыз счетлары юк.
3.  Чын полиция хезмәткәрләре якыннарыннан нәрсәнедер яшерергә мәҗбүр итмиләр!