Татарстан почта бүлекчәләре май бәйрәмнәрендә эш графигын үзгәртәчәк

1 һәм 9 май республиканың барлык почта бүлекчәләре өчен ял көннәре булачак. Бу көннәрдә почтальоннар хатлар һәм вакытлы матбугат басмаларын таратмаячак.

8 майда бүлекләр кыскартылган график буенча эшләячәк һәм 1 сәгатькә иртәрәк ябылачак.

2 майдан 7 майга кадәр почта бүлекчәләре гадәти режимда эшләячәк.

Пенсияләрне һәм пособиеләрне почта хезмәткәрләре РФ Социаль фондының республика бүлекчәсе белән килешенгән график буенча китерәчәк.

Эшнең актуаль расписаниесен ачыкларга яки картада иң якын ачык бүлекне pochta.ru сайтында  яисә компаниянең мобиль кушымтасында табарга мөмкин .