Алексеевск муниципаль районы

Белем көне

2013 елның 9 сентябре, дүшәмбе

Бәйрәм чаралары колледж ишегалдында тантаналы линейкадан башланып китте. Колледж гимны авазлары астында 19 укучылар төркеме, бәйрәмнең мәртәбәле кунаклары, инженер-педагоглар коллективы һәм укытучылар тезелеп басты.
Алексеевск аграр колледжы директоры В.Фадеев катнашучыларны сәламләү сүзе белән линейканы ачып җибәрде. Чарада котлау сүзләре белән Татарстан Республикасы авыл хуҗалыгы һәм азык-төлек министрлыгының терлекчелек бүлеге начальнигы Чурин Сергей Иванович, Алексеевск муниципаль районының авыл хуҗалыгы һәм азык-төлек идарәсе начальнигы Мусин Газинур Кирам улы, изге Алексий мәхәлләсе побы протоиерий Павел атакай чыгыш ясады.
Барлык катнашучыларны бәйрәм белән Алексеевск муниципаль районы предприятиеләре һәм оешмалары җитәкчеләре һәм вәкилләре котлады, алар җәй көне игеннәрне урып-җыюда актив катнашкан колледж укучыларына истәлекле бүләкләр тапшырдылар. Беренче курс студентларын югары курсларда укучылар котлап, студент тормышына фатиха бирделәр. Колледждагы традиция буенча беренче кыңгырауны чылтырату хокукы яңа килгән укучыларга бирелде. Тантаналы линейка тәмамланганнан соң 1 сентябрь бәйрәме – “Белем көне: тарих, традицияләр һәм бәйрәмнең әһәмияте“ дигән темага Тынычлык дәресләре булып узды.
Шул ук көнне яңа килгән укучылар төркеме колледж музеена бардылар, ә сыйныф җитәкчеләре алар өчен уку йорты буенча экскурсия оештырдылар, “Укучыларның хокуклары һәм вазыйфалары“ дигән сәгать үткәрделәр.

БАРЛЫК ЯҢАЛЫКЛАРНЫ УКУ