Алексеевск муниципаль районы

“Сәләт” Халыкара яшьләр белем бирү форумы

2013 елның 16 августы, җомга

Пәнҗешәмбе көнне, 15 августта, Татарстан Рспубликасы Президенты Рөстәм Миңнеханов II “Сәләт” Халыкара яшьләр форумында катнашты. Традиция буенча ул үзенең килүен Изге чишмәдән башлады, анда аны Э.Н. Фәттахов, А. М. Терентьев, Р.Т. Борһанов, А. М. Сибагатуллин, В.К. Козонков һәм Д.Ш. Сөләйманов каршы алды. Биләр тарихи-археологик музей-тыюлыгына баргач, Рөстәм Нургали улы лагерь эше белән танышты. Аңа мәдәният, бизнес өлкәсендәге, шулай ук IT-карарларга, инновацион технологияләр кертүгә кагылышлы проектлар тәкъдим ителде. Яшьләрнең күп кенә тәкъдимнәре Рөстәм Миңнеханов ягыннан яклау тапты. Форумда катнашучылар белән очрашу вакытында республика башлыгы гомуми белем бирү программаларына яшь талантларга ярдәм итү һәм аларны үстерү буенча алдынгы методикалар кертү кирәклеге турындагы фикерне хуплады.
– Бөтен кеше талантлы,– ди Рөстәм Миңнеханов. – “Сәләт”не “Йолдызлык“ дәрәҗәсенә җиткерергә һәм сезнең инициативаларны моннан соң да хупларга кирәк.
Биләрдән Рөстәм Миңнеханов республиканың Алексеевск районы басуларын карарга китте. Аны Татарстан Республикасы Премьер-министры урынбасары – ТР авыл хуҗалыгы һәм азык-төлек министры Марат Әхмәтов һәм Алексеевск муниципаль районы башлыгы Владимир Козонков озатып йөрде.

ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ