Октябрьдә Кама аша күпернең беренче линиясе ачылуга 20 ел тулды

Фотода-күпер отряды хезмәткәрләре
1 өлеш. Елга аша күпер кичүен булдыру мәсьәләсе турында 1970 еллар уртасында ук фикер алыштылар. 1985 елда төзелеш урыны раслана, ә 1986 елда күперне проектлый башлыйлар. Татарстан Республикасының Атказанган төзүчесе Анатолий Николаевич Абакумов сөйләвенчә, күперне урнаштыруның 3 варианты булган. «Башта Саескан тавыннан Мурзихага юл урнаштыру мәсьәләсе каралды. Аннан баш тарттылар, чөнки проект бик кыйммәт иде. Аннары Чистай районы Кубасс авылында Мамадыш тракты аша күпер төзергә тәкъдим ителде. Өченче вариант буларак, Саескан тауларыннан күпер кичүе төзергә һәм Алексеевск һәм Лебяжье авыллары арасында юл үткәрергә тәкъдим ителде. Нәтиҗәдә, дүртенче вариант тәкъдим ителде, күпер  нәкъ менә шундатора да инде»,- дип сөйли Анатолий Абакумов.

2 өлеш. Мондый проект варианты өчен Архаровка һәм Курланка елгалары аша тагын ике күпер төзергә кирәк иде. 1987 елда анда ком юа башладылар. Өч ел дәвамында булачак күпер урынында әзерлек эшләре барды.
ТРның беренче Президенты Минтимер Шәймиев үтенече буенча төзелешкә РФ Беренче Президенты Борис Ельцин килде. Бераз соңрак финанслау яңартылды һәм төзелеш дәвам итте.

3 өлеш. Күпер төзү өчен бик күп кеше җәлеп ителде. Күпер кичүенең төп төзелеше белән 3 нче, № 113 күпер отрядлары, «Таттрансгидромеханизация» ЯАҖ һәм «Каздорстрой»тресты шөгыльләнә. Ул "күчерү" ысулы белән төзелде: күпернең өлешләре ярда җыелды һәм тарту җайланмалары ярдәмендә тиешле урынга күчерелде.
Күпернең беренче линиясе төзелеше 2002-нче елда тәмамланды.
« Соңгы паром 18 октябрьдә Кама аша үтте, ә икенче көнне үк без бу судноларның берсендә паром кичүен ябуны документлаштырдык», - дип искә ала Анатолий Николаевич Абакумов.
2016 елда күпернең икенче линиясе төзелеше тәмамланды һәм күпер тулы көченә эшли башлады. Күпер РФнең стратегик яктан мөһим объекты булып тора.