«Алга» колхозында көнбагыш җыюны төгәлләделәр
Шулай итеп, бу хуҗалыкта 2021 ел уңышы җыеп алынды.
Бу культура 400 гектар мәйданда үстерелде. 6 октябрьдә хуҗалык комбайнчылары Ринат Ситдыйков, Ирек Вәлиуллин «Дон 1500» комбайннарында һәм Равил Кыямов «Акрос»та Кыркүлнең соңгы участогын алдылар. Ә шоферлар Рәмис Зарипов һәм Фердинанд Вәлиев орлыкны күрше районга алып киттеләр.
Хуҗалык агрономы Владимир Пандусов билгеләп үткәнчә, көнбагышның уңышы гектардан 15 центнер тәшкил иткән, ә аны урып-җыю җылы һәм коры һава торышы аркасында иртә төгәлләнгән.
"Без суктырганның барысын да шунда ук Әлки районына җибәрәбез. Сатып алучы инде акчаны күчерде, шуңа күрә без сату өчен борчылмыйбыз. Хәзер комбайннарны басулардан җыябыз, аларны кышкы стоянкага әзерләячәкбез", - ди колхоз рәисе Тәлгать Хамматов.