Алексеевск районының «Көнчыгыш» ТИҮ, рәисе Елена Макарихина, республикада иң яхшысы булды.

2020 ел йомгаклары буенча «Иң яхшы ТИҮ» республика конкурсында җиңүчеләрнең һәм призерларның исемнәре билгеле булды. Конкурс Татарстан Республикасы Муниципаль берәмлекләре Советы тарафыннан җиденче ел рәттән үткәрелде. Конкурс турындагы Нигезләмәгә ярашлы рәвештә, йомгак өч төркем буенча ясала: Казан һәм Чаллы шәһәр округларының ТИҮләре арасында, икенче төркемне халык саны 60 мең һәм аннан да күбрәк булган шәһәрләрдә урнашкан ТИҮ тәшкил итә, өченче төркемгә авыл җирлекләрендә, шәһәр тибындагы бистәләрдә һәм халык саны 60 мең кешедән ким булган шәһәрләрдә урнашкан ТИҮләр керә. «Көнчыгыш» ТИҮ икенче тапкыр катнашкан һәм инде икенче тапкыр беренче урынны алган. Җиңү өчен конкурста 665 мең сумлык грант каралган.              «Көнчыгыш» ТИҮ рәисе Елена Макарихина халыкка ярдәме өчен рәхмәт белдерде: "Молкомбинат", "Сельхозтехника", "Больница", "Дорстрой" ,"Южный" микрорайоннарында яшәүчеләргә һәм барлык территориаль иҗтимагый үзидарәдә яшәүчеләргә рәхмәт. Минем кечкенә ярдәмчеләремә, балаларыма рәхмәт. Бу безнең уртак җиңүебез".