Алексеевск районының Биләр авылында яңа табиб амбулаториясен ачтылар

Алексеевск районының Биләр авылында яңа табиб амбулаториясен ачтылар. Биредә табиб-терапевт, теш табибы, фельдшер һәм ашыгыч ярдәм табибы авыл халкын кабул итәчәк.
Ачылу тантанасында район башлыгы Сергей Демидов һәм Федор Батков, Татарстан Республикасының Биологик ресурслар буенча Дәүләт комитеты рәисе катнашты.
"Пандемия чорында барлык кыенлыкларга да карамастан, безнең республикада шундый әһәмиятле социаль программаларны гамәлгә ашыру туктатылмады. Бу-Татарстан Президенты Рөстәм Миңнехановның казанышы. Авыл халкының иминлеге-милли сәясәтнең өстенлеге тагын бер кат исбатланды. Кадерле биләрлеләр, сезгә сәламәт булуыгызны телим. Сезнең сәламәтлек сагында-квалификацияле медиклар - әлеге амбулатория хезмәткәрләре", - дип мөрәҗәгать итте Биләрдә яшәүчеләргә Сергей Демидов.
"Мин сезнең, Алексеевск, районына һәрвакыт шатлык белән киләм һәм Сезнең белән бергә аның чәчәк атуына шатланам. Күптән түгел Биләрдә матур мәдәният йорты, мәчет ачылды. Ә бүген заманча амбулатория ачабыз", - дип билгеләп үтте Федор Батков. Ул табибларга яңа иркен амбулаториядә уңышлар һәм уңайлы эшләүләрен, ә халыкка – профилактика өчен медицина учреждениесенә йөрүләрен теләде.
"Көнгә без 35-40 кешене кабул итәбез. Дәвалауны билгелибез, рецептлар алдырабыз, больничный листлар бирәбез, - дип сөйләде амбулаториянең өлкән шәфкать туташы Гөлсәрия Хәбибуллина, - шулай ук биредә 10 койкага исәпләнгән көндезге стационар бар".

#айдаАлексеевский #Алексеевскийрайон