Эшкә бирелгәнлек өчен мактаулы исем

Биләр тарих-археология музей-тыюлыгы директоры Әнәс Кутуевка «Татарстан Республикасының атказанган мәдәният хезмәткәре» исеме бирелде.

Бу бүләккә Әнәс Абдрахман улы Татарстан Республикасы тарих һәм мәдәният һәйкәлләрен саклау һәм торгызу өлкәсендә озак еллар намуслы хезмәте өчен лаек булды.

Тапшыру тантанасы Яр Чаллыда Мәдәният министрлыгының күчмә коллегиясендә узды. ТР Дәүләт Советы Рәисе Фәрит Мөхәммәтшин Әнәс Кутуевка яңа драма театры сәхнәсендә мактау билгесе тапшырды.

Әнәс Кутуев үзенең гомерен туган якны өйрәнүгә багышлаган. Ул 25 ел тарих укытучысы булып эшләгән, ә әле студент чагында ук, ел саен үзенең укытучысы, профессор Альфред Халиков җитәкчелегендә Биләр шәһәрчегендә археология экспедицияләрендә катнашкан. Һәм ул үзенең шәкертенә әйткән танылган археолог сүзләре символик мәгънәгә ия иде: «Киләчәктә син минем эшемне дәвам итәргә тиешсең, синең урының - монда, Биләрдә». Әнәс Абдрахманович алар турында 1999 елда Биләр музей-тыюлыгын җитәкләвен искә төшерде. Быел ул лаеклы ялга китә.