Азык-төлек тылы. Алексеевск районы кулланучылар җәмгыятьләренең еллык йомгаклары
Район кулланучылар җәмгыятенең вәкаләтле пайчылары җыелышында 2020 елга йомгак ясалды.
Узган ел кулланучылар кооперацияләренә чын-чынлап экстремаль шартларда эшләргә туры килде,чөнки пандемия үз кагыйдәләрен кертте. Әмма, килеп туган кыенлыкларга карамастан, кулланучылар кооператорлары азык-төлек коллапсына юл куймады һәм район һәм республика халкын сыйфатлы азык-төлек һәм азык-төлек булмаган товарлар белән тулысынча тәэмин итте.
Бу өлкәдә эшләүчеләр өчен яңа 2021 ел – юбилей елы. 2021 елда Россия Кулланучылар кооперациясе үзенең 190 еллык юбилеен билгеләп үтәчәк.
Пайчылар утырышы район башлыгы Сергей Демидов, Татпотребсоюз идарәсе рәисе Рашат Шәймәрданов, Татарстан Республикасы Президентының Территорияләр белән эшләү Идарәсенең баш киңәшчесе Наил Мөхәммәтшин катнашында узды. Предприятие эшчәнлеге турында район кулланучылар җәмгыяте рәисе Илнур Хәйбуллин сөйләде.
Саннар
Алексеевск муниципаль районының кулланучылар кооперациясе системасында алты бүлекчә эшли. 2020 елда барлык система буенча тулаем эшчәнлек күләме 489 млн. 493 мең сум тәшкил итә, тулай продукция күләме 101 млн. 290 мең сум күләмендә үтәлгән. Узган ел берничә сәүдә объекты һәм икмәк-азык-төлек комбинатына ремонт ясалган. Автопарк та тулыландырылган. 2020 ел өчен предприятие 40 млн. сумнан артык табыш алган. Хәтта пандемия шартларында да бер генә сәүдә предприятиесе дә ябылмаган. Автолавкалар ерак һәм кыен булган торак пунктларда яшәүчеләргә беренче чиратта кирәкле товарларны китерделәр. Алексеевск районы кулланучылар җәмгыяте 45 торак пунктка хезмәт күрсәтә. 13 торак пунктка автолавкалар хезмәт күрсәтә. 2020 елда кулланучылар җәмгыяте тарафыннан 107 млн.652 мең сумлык авыл хуҗалыгы продукциясе һәм чимал сатып алынган. 278 центнер йон, 4700 данә күн чимал, 70 тоннадан артык макулатура, 90 тоннадан артык бәрәңге һәм 120 тоннага якын башка яшелчә әзерләнгән. 2020 елда 190 тонна ит сатып алынган.
Ассортиментны киңәйтү
Сер түгел, РайПО җитештерә торган Алексеевск лимонады район бренды булды. «Балачактан эчемлек» рецептурасын күп җитештерүчеләр белергә хыяллана, әмма Алексеевск районы кулланучылар җәмгыяте технологлары бу серне сак кына саклый. 2020 елда 21800 декалитр лимонад җитештерелгән. 91 тонна казылык һәм 55 тонна ит ярымфабрикаты җитештерелгән. Ит продукциясенең 30 төре, ярымфабрикатларның 14 төре җитештерелә. Чыгарыла торган продукциянең ассортиментын киңәйтү максатларында, кооператорлар мармелад җитештерүне үзләштерде. Чиратта шулай ук кайчандыр шулай ук кулланучылар кооперациясе бренды саналган Киев помадкасын чыгару. Белгечләр рецептура әзерләгәннәр һәм махсус өстәл җиһазлаганнар инде, анда танылган сый-нигъмәт булачак.
Һөнәргә тугры калучылар
Сәүдә эшчәнлегенең уңышы көндәлек хезмәтенә җанының бер өлешен салган кешеләрдә саклана. Иң яхшы хезмәткәрләр бүләкләргә лаек булды. Алексеевск муниципаль районының кулланучылар кооперациясе системасында озак еллар намуслы хезмәте өчен Алексеевск муниципаль районы башлыгының Мактау грамотасы белән «Колос» СППСК пешерүчесе Асекретова Елена Петровна, «Коопторг»ҖБ сатучысы Боброва Светлана Александровна бүләкләнде. Алексеевск муниципаль районының кулланучылар кооперациясе системасында озак еллар намуслы хезмәте өчен «Колос» СППК экспедиторы Сәгыйрова Венера Вилмир кызы һәм «Коопторг»ҖБ сатучысы Крылова Венера Рафаэль кызы Татарстан Кулланучылар берлеге Мактау грамотасы белән бүләкләнделәр. Алексеевск муниципаль районының кулланучылар кооперациясе системасында намуслы хезмәте өчен район кулланучылар җәмгыяте Мактау грамотасы белән бүләкләнделәр:
Арсеньева Валентина Анатольевна – «Коопторг» җитештерү берләшмәсе сатучысы, Пеньковцева Елена Анатольевна – «Биләр» пешекчесе, Тарасова Вера Ивановна – «Коопторг» ҖБ сатучысы, Горохова Екатерина Евгеньевна - «Колос»авыл хуҗалыгы эшкәртү-сату кооперативы пешекчесе.
"Алексеевск районы кулланучылар җәмгыяте эшенең нәтиҗәлелеге пандемия шартларында уңышлы эшчәнлек белән исбатланды, – дип ассызыклады район башлыгы Сергей Демидов, әмма товар әйләнеше даими рәвештә үсәргә тиеш. Мин ышанам, сез моның өчен барлык ресурсларга ия. Без, үз чиратыбызда, сезгә ярдәм итәргә әзер. Яңа продукцияне эшләтеп җибәрү, ассортиментны киңәйтү һәм булган хезмәтләрне камилләштерү өстенлекле бурыч булырга тиеш. Җәмәгать туклануы тармагын үстерүгә аерым игътибар бирергә кирәк".
Рашат Шәймәрданов җитештерүнең арзанаюына юл куймаска чакырды: "Продукция сыйфатлы чималдан эшләнергә тиеш. Шәхси хуҗалыктан сыйфатлы иттән ясалган казылык һәрвакыт үз сатып алучысын табар, хәтта кыйммәт булса да. Моның өчен авыл хуҗалыгы продукциясе һәм чимал сатып алуны арттырырга һәм шәхси ярдәмче һәм фермер хуҗалыклары хуҗалары белән хезмәттәшлекне киңәйтергә кирәк. Сезнең продукция шуннан таныла да инде, чөнки сыйфат билгесе һәм кулланучы ышанычы белән билгеләп үтелде. Шулай ук Кулланучылар кооперациясе эше – товар җитештерү генә түгел, сәүдә һәм хәтта транспорт хезмәтләре дә. Авыл халкы сездә беренче ярдәмчеләр күрергә тиеш".
"Без сезнең белән кооперация позицияләрен үстерү һәм ныгыту буенча зур эш башкардык, һәм куелган бурычларны үтәү өчен безнең барысы да бар, иң мөһиме – хезмәт сөючән һәм бердәм коллектив бар. Барлык кооператорларга фидакарь хезмәтләре, үз эшләренә бирелгәнлекләре өчен чын күңелдән рәхмәт белдерәм. Сезгә һәм якыннарыгызга нык сәламәтлек, иминлек, уңышлы һәм нәтиҗәле эш телим", - дип йомгак ясады җыелышны район кулланучылар җәмгыяте рәисе Илнур Хәйбуллин.