Чыгарылыш имтиханнары (ГДИ, БДИ) яңача
Мәгариф һәм фән министрлыгы һәм Мәгариф һәм фән өлкәсендә күзәтчелек итү буенча федераль хезмәт 2021 елда 9 һәм 11 нче сыйныф укучыларының дәүләт йомгаклау аттестациясен үткәрү тәртибенә карата кабул ителгән карарлар турында игълан итте.
"Без 2021 елда БДИ тапшыручы балалар өчен бу ел гади түгеллеген аңлыйбыз. Эпидемиологик хәл фонында кабул ителгән чаралар белән бәйле рәвештә, имтихан тапшыру кагыйдәләренә үзгәрешләр керттек. Бу уку елында йомгаклау иншасын үткәрү апрельнең икенче декадасына планлаштырылган. Урта гомуми белем бирү программалары буенча дәүләт йомгаклау аттестациясе 31 майдан 2 июльгә кадәр, өстәмә БДИ вакыты – 12-17 июльдә узарга тиеш", - диде Сергей Кравцов.
11 нче сыйныфны тәмамлаучылар һәм БДИда башка катнашучылар өчен 2021 елда агымдагы эпидемиологик хәл аркасында имтиханны вакытыннан алда үткәрү вакыты гамәлдән чыгарыла.
Вузларга укырга керергә җыенмаган укучыларга урта гомуми белем турында аттестат алу өчен БДИ урынына ике фән – рус теле һәм математика буенча дәүләт чыгарылыш имтиханы (ГВЭ) тапшырырга кирәк булачак.
Югары уку йортларына укырга керергә җыенучы һәм аттестат алу өчен БДИ тапшырачак чыгарылыш сыйныф укучыларына рус теле буенча БДИның канәгатьләнерлек нәтиҗәне тапшыру да җитә. 2021 елда база дәрәҗәсендәге математика буенча БДИ үткәрелмәячәк.
11 сыйныф укучылары өчен дәүләт йомгаклау аттестациясенә кертелгән йомгаклау иншасы һәм изложениесы апрель урталарында узачак.
9 нчы сыйныф укучылары өчен дәүләт йомгаклау аттестациясен вакытыннан алда үткәрү чоры да гамәлдән чыгарылган.
9 нчы сыйныф өчен аттестатлар төп гомуми белем турындагы аттестатлар ике мәҗбүри фән-рус теле һәм математика буенча дәүләт йомгаклау аттестациясе нәтиҗәләре нигезендә биреләчәк. 2021 елда 9 нчы сыйныфны тәмамлаучылар имтиханга сайлап алу буенча уку предметларын тапшырмаячаклар.
Тугызынчы сыйныф укучылары өчен шулай ук бер уку предметы буенча контроль эшләр башкарылачак. Әлеге тикшерү нәтиҗәләре аттестат алуга һәм йомгаклау аттестациясенә кертелүгә йогынты ясаячак. Контроль эшләр 2021 елның 17-25 маенда узачак. Конкрет даталарны мәгариф белән идарә итүнең төбәк органнары яки мәктәпләр билгеләячәк.
БДИ 11 сыйныф укучылары өчен май ахырында узачак, ә БДИның төп чоры киләсе елда якынча 2021 елның 31 маеннан 2 июленә кадәр барлык имтиханда катнашучылар өчен, шул исәптән узган елларда чыгарылыш сыйныф укучылары өчен узачак.
Рус теле һәм математика буенча дәүләт йомгаклау аттестациясе (ДЙА-9) 2021 елның 24-28 май көннәрендә үткәреләчәк, ДЙА-9 ның төп чорын үткәрүнең резерв вакыты 2021 елның июнь башына туры киләчәк. Төп чорда имтихан тапшырмаган тугызынчы сыйныф укучылары өчен рус теле һәм математика буенча ДЙА-9 өстәмә сентябрь чорында кабат узачак.
Материал ведомствоның матбугат хезмәте мәгълүматлары буенча әзерләнде.
Авыру яисә башка җитди сәбәп аркасында төп срокларда имтиханнар тапшыра алмаган БДИда катнашучылар өчен 2021 елның июль уртасында өстәмә БДИ үткәрү вакыты каралачак. Бу сроклар югары уку йортларына кабул итү кампаниясенең графигы белән бәйле булачак-БДИны өстәмә чорда тапшыручыларның барысы да, төп чорда катнашучылар кебек үк, үз нәтиҗәләрен алырга һәм сайлап алынган уку йортларына документлар тапшырырга өлгерәчәк.