Бәйрәмне бозмас өчен

Янгын сүндерү хезмәте хезмәткәрләре район халкын янгын куркынычсызлыгына игътибар белән карауларын сорый, чөнки декабрь аенда кешеләрне һәлак итүче янгыннар булган.

Шулай итеп, 9 декабрьдә, Гадәттән тыш хәлләр министрлыгы хәбәр итүенчә, Алексеевск шәхси йортында янгын нәтиҗәсендә 3 кеше һәлак булган. Янгынның сәбәбе ачыклана. Шулай ук 19 декабрь көнне 23 сәгать 30 минутта элемтә пультына 104 янгын сүндерү һәм коткару частендә Лебединода янгын турында хәбәр килде. Килеп җиткәндә мунчада, сарайда һәм бер фатирлы, бүрәнәле йортта янгын чыга. Янгын чыгу сәбәпле, барлык корылмалар да ут белән юк ителде. Бәхеткә, һәлакәт нәтиҗәсендә җәрәхәтләнүчеләр һәм һәлак булучылар юк.

Искәртеп узабыз, Яңа ел бәйрәмнәрендә янгыннарның күбесе пиротехник чаралардан, аерым алганда фейерверк, петарда, хлопушка, бенгаль утларыннан, салютлардан дөрес файдаланмау аркасында килеп чыга. Фейерверкларны машиналар, агачлар һәм торак биналар булмаган урыннарда ачарга мөмкин.

Район үзәгендә пиротехник эшләнмәләрне эшләтеп җибәрү өчен түбәндәге урыннар билгеләнде:

- Чиркәү мәйданы;

- Кама елгасының яр буе зонасы буенда яшьләр, Кояшлы, Җиңүнең 50 еллыгы, Савинов урамнары тәмамланганнан 300 метр ераклыкта урнашкан территория («Юлчылар» паркы);

- Кама елгасының яр буе зонасы буенда урнашкан территория Иркен урам тәмамланганнан 150 метр ераклыкта урнашкан;

- Дуслык, Кыр урамнары тәмамланганнан 150 метр ераклыкта территория.

Янгын куркынычсызлыгы максатларында һәр мәйданчык беренчел янгын сүндерү чаралары белән җиһазландырылырга тиеш.

Тыелган территорияләрдә пиротехник эшләнмәләр җибәрү фактлары ачыкланган очракта, гаеплеләр административ җаваплылыкка тартылачак. Штраф санкцияләре күләме: гражданнарга 2000 сумнан 4000 сумга кадәр;

вазыйфаи затларга 15000 сумнан 30000 сумга кадәр; юридик затларга 200000 сумнан 400000 сумга кадәр.

***

ТР халкына Яңа елны гаилә белән каршылап, коронавирус йоктырмаска киңәш бирделәр.

Иң куркынычсыз ысул булып урамда бәйрәм итү тора.

Яңа ел бәйрәмнәрендә мәкерле чирне эләктермәү өчен, татарстанлыларга кешеләр күп булган урыннардан качарга киңәш иттеләр.

"65 яшьтән өлкәнрәкләр арасындагы элемтәләрне киметү зарур. Шулай да, аларны котларга килсәк, бу, һичшиксез, кыска вакытлы визит булырга тиеш. Әгәр дә туганнары озак вакытлар бер-берсе белән аралашмаса, эксперимент ясамаска һәм Яңа елга җыелмаска кирәк», - ди ТР Роспотребнадзор җитәкчесе урынбасары Любовь Авдонина.

Яңа елны бер мәйданда яшәүче якыннарың белән очрашып каршы алу иң кулай ысул булып тора. Моннан тыш, урамга чыгарга да була.