Эш бер минутка да туктатылмый
Район кырларында игенчеләр көзге бодай һәм борчак җыялар.
Бөртекле-кузаклы культураларны суктыруда «Алексеевск» халык предприятиесенең егермегә якын комбайны эшли. Аларның берсендә әтиле-уллы Асафьевлар эшли. Аграр көллият студенты Артем әтисе Игорь Асафьевның ярдәмчесе булып тора. Алар борчакны Коры Көрнәледән ерак түгел җыештыралар.
23 июльгә предприятие игенчеләре планлаштырылганның 50 % ын суктырдылар: 2000 гектарның 1300е җыеп алынган инде. 3350 тонна суктырылган.
Уңыш гектарыннан 25,1 центнер тәшкил итә. Уҗымнарны җыюга килгәндә, район игенчеләре мең гектардан артык мәйданда 4,7 мең тоннага якын суктырдылар.
Бүгенге көндә уңыш гектарына 38,1 центнер тәшкил итә. «Востокзернопродукт» комбайнчылары - 2682 тонна икмәк суктырганнар.
Шулай ук көзге бодайны «Төньяк Алексеевск ВЗП» һәм «Алексеевск» коммерцияле булмаган предприятиеләрендә дә алалар. Алар белән беррәттән урып-җыюга кайбер КФХлар да керешә.
