Алексеевск районы мәктәпләрендә соңгы кыңгырау шалтырады
Бүген районның барлык мәктәпләрендә уку елы тәмамлануга багышланган тантаналы линейкалар уза. Чыгарылыш сыйныф укучылары өчен бу иң дулкынландыргыч көннәрнең берсе — алда имтиханнар, һөнәр сайлау һәм яңа тормыш этабы.
2025/2026 уку елында укуны 86 унберенче һәм 309 тугызынчы сыйныф укучысы тәмамлый. 11 сыйныфны тәмамлаучылар арасыннан 20 кеше медаль алуга дәгъва кыла.
Быелдан Татарстан Республикасы урта һөнәри белем алу мөмкинлеген киңәйтү буенча экспериментта катнаша. Ике мәҗбүри имтихан — рус теле һәм математика тапшырганнан соң, районның 78 тугызынчы сыйныф укучысы Алексеевск аграр көллиятендә кирәкле белгечлекләр буенча укуларын дәвам итәчәк.
Бүген район мәктәпләрендә укытучыларга һәм ата — аналарга рәхмәт сүзләре, чыгарылыш сыйныф укучыларына теләкләр һәм, әлбәттә, соңгы кыңгырау-мәктәп тормышының мөһим этабын тәмамлау символы яңгырый.
Яңа уку елында ук район мәктәпләренә 200гә якын беренче сыйныф укучысы кабул ителәчәк.
