Аз тәэмин ителгән гаилә балаларын әкият геройлары тәбрикләде

«Красный восток»  авыл мәдәният йортында  Алексеевск шәһәр җирлеге депутатларыннан  хәйрия акциясе булып узды.  Мәдәният йортында аз тәэмин ителгән гаилә балалары җыелды. Шау-шулы әйлән-бәйлән уеныннан соң Кыш бабай һәм Кар кызы бала-чагага  берәр капчык татлы бүләкләр тапшырдылар. Балалар шатлыгының чиге булмады.

•  Балаларның елмаюы -  без, акцияне оештыручылар өчен иң яхшы бүләк, - ди Алексеевск шәһәр җирлеге депутаты Ольга Зубрилова, - шатлык бүләк итү бер дә авыр түгел, һәм без авыр хәлдә яшәүче балалар өчен Яңа ел бәйрәмен чын мәгънәсендә тылсымлы итәргә тырыштык.