Эчке эшләр министрлыгы хезмәткәрләре милек һәм акча белән операцияләр башкарганда үзегезне ничек сакларга кирәклек турында сөйлиләр
Ломбардта белешмәләр күрсәтмичә, керемне раслатмыйча һәм поручительләрсез генә тиз арада кирәк кадәр акча алырга мөмкин. Үзең белән паспортың булу да җитә.
Шуның белән бергә займның нинди үзенчәлекләре турында белергә кирәк?
- Ломбардлар заемны бер елдан да күбрәккә бирмиләр. Аларда ставкалар микрофинанс оешмаларындагыдан түбәнрәк, ләкин шулай да банклардагыдан югарырак. Шуңа күрә андый заем сезнең бюджетыгыз өчен авыр булмасмы?
- Заем суммасы турыдан-туры закладка салган әйберегезнең бәясенә бәйле.
- Ломбардлар закладны бушлай бәялиләр.
- Ломбард сезгә ике документ: залог билеты һәм кулланучылар займының шәхси килешү шартларын (таблица формасында) бирергә мәҗбүр.
Заемның тулы бәясе килешүнең беренче битендә таблица алдында күрсәтелгән булырга тиеш. Сезне заем килешүенең гомуми шартлары белән таныштырырга тиешләр. Заклад билетында мәҗбүри төстә заем суммасы, аны алу һәм кире кайтару датасы, аннан файдалану срогы, процент ставкасы, закладка салынган әйберне сурәтләү һәм аның бәясе күрсәтелгән булырга тиеш.
- Әгәр заем срогында түләнмәсә дә, ломбард салынган әйберне килешүдә билгеләнгән срок тәмамланганнан соң бер ай дәвамында сата алмый. закладка ы салынган әйберне сатканнан соң ломбард каршында бурычка алган кешенең теләсә нинди очракта да бурычы түләнә. Әгәр әйбер ул бәяләнгәннән кыйммәтрәккә сатылса яки сатудан алган сумма сезнең ломбард каршындагы бурычыгыздан артып китсә, сез, ломбардка мөрәҗәгать итеп, өч ел дәвамында аерманы ала алачаксыз.
Ломбард сезгә тиешле аерманы бирергә һәм исәп-хисап ясарга бурычлы. Әгәр бурычка алучы өч ел дәвамында үз хокукыннан файдаланмаса һәм ломбардка мөрәҗәгать итмәсә, акча оешмага күчәчәк.
Законлы таләпләрнең үтәлүенә бары тик легаль эшләүче ломбардка гына исәп тотарга була. Намуссыз оешмалардан һәм ялган ломбардлардан сакланыгыз! Биредә әйберләрнең сакланышы гарантияләнми, шулай ук закладка салынган әйберегезне кире кайтармау яки аны килешүдә күрсәтелгән сроктан иртәрәк сату ихтималы югары.
Ломбардларга нинди дә булса эшмәкәрлек эшчәнлеге белән (гражданнарга кыска срокларга заемнар бирүдән, әйберләрен саклаудан, шулай ук консультация һәм мәгълүмати хезмәтләр күрсәтүдән кала) тыела.
- Тагын нәрсә сагайтырга тиеш?
- Заемнар бирү операцияләре рәсми ломбард адресы буенча урнашкан комиссион кибет исеменнән рәсмиләштерелә, ә заем килешүе урынына комиссия килешүе төзелә.
- Ломбардлар заемнарны күчемсез милекне закладка салып бирәләр, ә бу законн бозу булып тора. Хәтта андый хезмәтләрне рекламаларга да ярамый.