Ватан геройлары көнендә
Районда Ватан геройлары көнендә ватанпәрвәрлек темасы белән бәйләнгән берничә чара булып узды. Якшәмбе көнне, 9 декабрьдә, Җиңү паркында Ватан геройлары көненә багышланган истәлекле митинг булып узды.
Җәмәгатьчелек вәкилләре, мәктәп укучылары, аграр колледж студентлары чәчәкләр куйдылар һәм геройларны бер минут тын торып искә алдылар. Башкарма комитет җитәкчесе урынбасары Николай Чурин Советлар Союзы Герое, Социалистик Хезмәт Герое исеменә лаек булган якташларыбызны җыелучыарны исләренә төшерде, Николай Петрович шулай ук Әфганстанда һәм Төньяк Кавказда һәлак булган сугышчыларны да искә алып үтте. Шунысы символик, бер минут тын тору һәм чәчәкләр тапшыру вакытында Якшәмбе чиркәве кыңгыраулары чыңлады.
Истәлекле көн алдыннан бистәнең 2 нче мәктәбе укучылары патриотик акция үткәрделәр. “Беркем дә онытылмады, бернәрсә дә онытылмады” – 9 нчы сыйныфның “Яшьармиячеләре” шундый девиз астында Җиңү паркын кардан җыештырырга чыктылар.
– Укучыларыбыз Бөек Ватан сугышында катнашкан сугышчыларга куелган һәйкәл территориясен чистарттылар, – диде тереклек эшчәнлеге нигезләре укытучысы Радик Гайнетдинов. – Декабрь башларында ике истәлекле көн – Билгесез солдат көне һәм Ватан геройлары көне билгеләп үтелә. Яшь буын Ватанны саклаучыларны искә алырга һәм аларның батырлыгын хөрмәт итәргә тиеш. Шуңа күрә, паркны тәртипкә китереп, балалар барыбер тегеләйме-болаймы халкыбызның гомерен һәм иреген саклап калган кешеләр турында уйланалар.
– Истәлекле митинг алдыннан аграр колледж студентлары коммуналь хезмәт эшчеләре белән берлектә Җиңү паркы территориясен кичтән яуган кардан чистарттылар.
Биләрдә бу көнне Мәңгелек ут янына да авыл кешеләре җыелды. Яшьармиячеләр Советлар Союзы Герое Иван Кочневның кызы Елена Данеева белән һәлак булган илне саклаучылар һәйкәленә чәчәкләр куйдылар. Моңа кадәр Биләр мәдәният йортында Елена Ивановна белән очрашу булды. Котлау сүзләре белән җыелучыларга җирлек башлыгы Галим Хәбибулин мөрәҗәгать итте. Ул Герой кызына истәлекле бүләкләр тапшырды. Шулай ук авыл китапханәсе хезмәткәрләре Геройлар көненә китап күргәзмәсе әзерләделәр.
Бер көн алдан Зирекледә тантаналы шартларда “Яшьармия” Бөтенроссия берләшмәсе әгъзалыгына керү тантанасы булды. 13 укучы ант итте. Яшьармиячеләрнең элеккеге составы эшләгән эше турында “Яшьармияче-2” хәрби-патриотик клубы җитәкчесе, подполковник Петр Арсентьевка хисап бирде, саф, физик әзерлектә, коралны сүтеп-җыюда үз күнекмәләрен һәм осталыгын күрсәтте.
Бәйрәм тантанасында хәрби-патриотик эш буенча ТР хәрби комиссары ярдәмчесе Илһам Мидхәтов катнашты. Ул катнашучыларга һәм хәрби-патриотик клуб җитәкчесенә патриотизм һәм Ватанга хезмәт иткәне өчен рәхмәт әйтте һәм яшьармиячеләргә футболкалар, беретлар һәм значоклар тапшырды. Истәлекле чара күп кенә авыл җирлекләрендә узды.
Бу хакта фоторепортажны безнең сайттан карагыз.