Татарстан Росреестрына гражданнарның мөрәҗәгать итү тәртибе

Гражданнарга төрле мәсьәләләр буенча теге яки бу дәүләт органына мөрәҗәгать итәргә туры килә. Аларның һәркайсы үзенчә индивидуаль һәм җентекле  карауны таләп итә. Шул уңайдан  Татарстан Росреестры  гражданнарның мөрәҗәгать итү тәртибен аңлата. Татарстан Республикасы буенча Росреестр Идарәсенең үзәк аппаратына мөрәҗәгатьне  түбәндәге ысуллар белән җибәрергә мөмкин:

• язма рәвештә почта буенча (420054, Казан шәһәре, Авангард урамы, 74 нче йорт);
• факс буенча (8 (432) 255-25-46) язма рәвештә;
• Росреестрның рәсми сайтында махсус форма тутыру юлы белән;
• Татарстан Республикасы Хөкүмәтенең рәсми сайтында (ТР буенча Росреестр Идарәсе бүлеге) махсус форма тутыру юлы белән;
• ТР буенча Росреестр Идарәсенә Казан шәһәре, Авангард урамы, 74 нче йорт, 2 нче подъезд, 9 нчы тәрәзә адресы буенча мөрәҗәгатьләрне кабул итү тәрәзәсе аша язма мөрәҗәгатьне шәхсән тапшыру юлы белән; ТР буенча Росреестр Идарәсенең вазыйфаи затларының шәхсән кабул итүе барышында.Язма рәвештә мөрәҗәгать иткәндә үз фамилияңне, исемеңне, әтиеңнең исемен (әгәр әтиең булса); әгәр җавап электрон документ формасында җибәрелергә тиеш булса, электрон адресыңны; әгәр җавап язма рәвештә җибәрелергә тиеш булса, почта адресыңны әйтергә кирәк.

Гражданин андый  мөрәҗәгатькә  кирәкле документлар һәм материалларны  электрон рәвештә теркәргә яки күрсәтелгән документлар һәм материалларны   яисә аларның күчермәләрен язма рәвештә җибәрергә хокуклы.

Гражданнар шәхси һәм коллектив мөрәҗәгатьләр җибәрә алалар. Игътибар: электрон рәвештә җибәрелә торган мөрәҗәгатьләр ТР буенча Росреестр Идарәсе электрон почтасының рәсми адресын, “Граҗданнар мөрәҗәгатьләре” сайты сервисын үтеп китеп, карауга килмиләр. Гражданнарга мөрәҗәгатьләрне карау мәсьәләләре буенча мәгълүмат алу тәртибе.

 Мөрәҗәгатьләрне карау мәсьәләләре буенча мәгълүматны көн саен эш көннәрендә дүшәмбедән пәнҗешәмбегә кадәр иртәнге 8 дән кичке 5 кә кадәр һәм җомга көнне  иртәнге 8 дән кичке 4 тулырга 15 минутка кадәр 8(843)255-8(843)24-59, 8(843) 255-24-56, 8(843)255-24-57 телефоннары буенча алырга була.