«Игътибар – балалар!»
9 сентябрьгә кадәр районда һәм республикада «Игътибар – балалар!» акциясе үткәрелә.
Акция балалар юл-транспорт фаҗигасен булдырмау, юлларда балалар һәм яшүсмерләрнең үзләрен куркынычсыз тоту күнекмәләрен яңадан торгызу максатында уза.
Ата-аналар үз балаларының куркынычсызлыгына бөтен җитдилек белән карарга тиешләр. Балаларны алар өчен куркыныч тудырырга мөмкин булган урыннарда, шул исәптән юл кырыйларында караучысыз калдырмау турында кайгыртырга кирәк.
Исегездә тотыгыз: 7 яшькә кадәрге балаларны автомобильдә бары тик бала кәнәфиенә утыртып кына йөртергә кирәк. Хәзер 7 яшьтән алып 11 яшькә кадәрге балаларны җиңел автомобильнең арткы утыргычында балалар тотып тору җайланмасын файдаланып кына түгел, ә бәлки баланы куркынычсызлык каешы белән каптырырга мөмкинлек бирүче башка чараларны кулланмыйча куркынычсызлык каешын файдаланып кына ташырга мөмкин. Дәүләт автоинспекциясе балаларны 7 яшькә җиткәннән соң да шундый җайланмада йөртергә нык торып тәкъдим итә.