Алексеевскилылар Алма спасын бәйрәм иттеләр

“Алма Спасы” бәйрәмендә Воскресение чиркәвенә якшәмбе гыйбадәтенә мәхәллә кешеләре күп килде. Алар аруландыруга үз уңышларын: алма, груша, виноград һәм башка  җиләк-җимеш алып  килгәннәр иде.

Бәйрәм белән мәхәллә кешеләрен Алексеевск благочиниесе благочинные протоиерей Павел Чурашов котлады. Җиләк-җимеш, яшелчәләрне аруландырганнан соң Павел атакай, бу бәйрәм дини тотучылар өчен сынау булып тора, дип билгеләп үтте:

• Барыгызны да “Алма спасы” бәйрәме белән котлыйм. Бүгенге көннән яңа уңыш җимешләрен ашарга ярый. Моңа кадәр без зур булмаган постны үтәргә – алмаларга тотынмаска тиеш идек. Моны тыелган  җимешне татып караган һәм моның өчен җәннәттән куылган атабыз Адәм белән анабыз Һаваның гөнаһлары белән чагыштырырга мөмкин. Рухи сынавыбыз шуннан килеп чыга, ни кызганыч, без  барыбыз да әлеге сынауны үтә алмадык. Барыгызга да  рух ныклыгы һәм иминлек телим.