Моннан ун ел элек 12 августта Көньяк Осетиядә кораллы бәрелеш тәмамланды. 8 августта төнлә грузиннар ягы, артиллерия коралыннан Көньяк Осетия башкаласына һәм якын-тирәдәге районнарга атып, Цхинвалны штурмлый башлады. Нәтиҗәдә бик күп кеше гомере өзелде. Грузиянең рәсми юрамасы буенча бу автономия ягыннан килешү режимын бозуга җавап булды. Шул ук көнне Россиянең тынычлык урнаштыручы гаскәрләре конфликтка кушылдылар. Хәрби операция башланды, аның максаты тыныч тормышка кире кайту иде.