Хәйриячеләр – балаларга. Речноеда балачак бәйрәме булып узды

 Халыкара балаларны яклау көнендә  Юлия һәм Денис Петрочининнар Речное авылы балаларына хәйрия бәйрәме бүләк иттеләр. Әлеге гаиләнең Речноеда “Елга әкияте”  дип аталучы ял итү базасы бар. Әлеге гаиләдә бала-чага өчен хәйрия бәйрәмнәре оештыру традициягә әйләнгән.

 Туңдырма, татлы мамык, аниматорлар тамашасы һәм бөтен бала ярата торган батутлар... Балалар шатлыгының иге-чиге булмады. Балаларның иҗаты өчен рәсем ясау һәм гамәли осталык почмаклары оештырылган иде. Бәйрәм кунакларына туңдырма һәм тәм-томнар өләштеләр. Иң актив малайлар һәм кызлар батутларда күңел ачты. Матур киемнәр кигән кызык  аниматорлар бала-чагага моңаерга ирек бирмәделәр: алар көчле тавышлы, күңелле  музыкага кушылып биеделәр, шулай ук конкурслар һәм викториналарда катнаштылар, хәрәкәтчән уеннар уйнадылар.

– Мондый бәйрәмне оештырганнары өчен оештыручыларга рәхмәт, – дип фикерләрен уртаклаша Речное авылы кешесе Анна. – Балаларыбыз соклануларын яшерә алмадылар.

– Биредә шундый шәп! Без инде батутларда да сикердек, өреп зурайтылган таулардан да шуып төштек, хәзер дусларыбыз белән туңдырма ашарга йөгерәчәкбез, – дип йөгереп барышлый бәйрәмнән алган тәэсирләре белән бүлеште Денис исемле малай.

Вакыт бик тиз уза, ләкин  хакыйкать үзгәрмичә кала: яхшылык йөзе белән кире кайта.