Алексеевскиның берьюлы ике территориаль иҗтимагый үзидарәсе (ТОС) “Татарстан Республикасының иң яхшы территориаль иҗтимагый үзидарәсе өчен” Дипломнары белән бүләкләнде.

Алексеевскиның берьюлы ике территориаль иҗтимагый үзидарәсе (ТОС) “Татарстан Республикасының иң яхшы территориаль иҗтимагый үзидарәсе өчен” Дипломнары белән бүләкләнде.
 Районыбызның 3 нче “Көнчыгыш” территориаль иҗтимагый үзидарәсе республика конкурсында беренче урынны алды.
 Аңа “2018 елда Татарстан Республикасының иң яхшы территориаль иҗтимагый үзидарәсе” дигән исем бирелде. “Көнчыгыш” үзидарәсе рәисе Елена Макарихина тәэсирләре белән уртаклашты:
 – Бу – рәис буларак минем өчен генә түгел, ә бәлки бөтен алексеевскилы өчен дә мөһим вакыйга. Бу – көндәлек, тырыш хезмәтебезгә үзенә бертөрле йомгак ясау. Безгә ярдәм иткән бөтен кешегә рәхмәт. Район җитәкчелегенә бөтен чаралар белән булышканы өчен аерым рәхмәтемне җиткерәм.
 Светлана Некрасова – “Просторный” ТОСы рәисе дә диплом белән билгеләп үтелде. Аның ТОСы 3 нче урынга лаек булды.
 Җиңүчеләр һәм призерлар грант ярдәме алдылар.
Татарстанның иң яхшы территориаль иҗтимагый үзидарәләре вәкилләрен Казанда сәламләделәр.
Жюри конкурс эшләрен берничә критерий буенча бәяләде, алар арасында, мәсәлән, ТОСларның халык мөрәҗәгатьләре белән эшләве, җирле үзидарә органнары составында катнашу, мәдәни-масса һәм сәламәтләндерү-спорт эше, гражданнарның социаль яктан зәгыйфь категорияләрен яклау дәрәҗәсе, дәгъвачыны территорияне төзекләндерүгә тарту һәм эшчәнлекне массакүләм мәгълүмат чараларында тулы яктырту һ.б.лар бар.