Алексеевск “Кайгырту” приютында Гаилә, мәхәббәт һәм тугрылык көне

7 июльдә Гаилә, мәхәббәт һәм тугрылык көне бәйрәме алдыннан социаль яклау һәм “Красный Восток” мәдәният йорты хезмәткәрләре приютта тәрбияләнүчеләр өчен мавыктыргыч программа әзерләделәр.

Баштан алар бәйрәмнең килеп чыгуы турында сөйләделәр, аннары фойеда балаларны мастер-класс көтеп торды, анда алар оештыручылар белән бергәләшеп бәйрәм символы – ромашкалар, төрле төстәге мамык шарчыклардан күләмле “Салават күпере” аппликациясен ясадылар. Иҗат эшеннән соң балаларны шат күңелле клоуннар – Бантик һәм Степашка каршылады, алар балалар белән төрле уеннар эченә кереп чумдылар, конкурсларда ярыштылар, рәсем ясадылар, биеделәр, әйлән-бәйлән уйнадылар.

Зал умарта күчедәй гөжләп торды, биредә бәйрәм халәте сизелде. Очрашу бәйрәмне оештыручыларның балаларны татлы ризыклар белән сыйлаулары һәм истәлеккә фоторәсемгә төшүләре белән тәмамланды.