Алексеевск районында дүрт көндә дүрт янгын булды

Алексеевск районы территориясендә дүрт көндә – 28 июньнән 1 июльгә кадәр – дүрт янгын булды, утта өч өй, бер гараж, бер абзар янып бетте. Янгынга  ике тапкыр ут төртү, бер кыска ялганыш һәм бер тапкыр яшен сугу китерде.

Янгыннарны һәм аларда кешеләрнең һәлак булуын булдырмас өчен янгын куркынычсызлыгы таләпләрен үтәгез.

Тыела:

–изоляциясе бозылган электрүткәргечләрдән һәм кабельдән файдалану;

– зарарланган розеткалар, өзгечләр, башка электр үткәрү әйберләреннән файдалану;

• электр лампаларын һәм яктырткычларны кәгазь, тукыма һәм башка яна торган материалларга төрү, шулай ук колпаклары салдырылган яктырткычлардан файдалану;
• җылылык саклау җайланмалары булмаган электр үтүкләреннән, электр плитәләреннән, электр чәйнекләреннән һәм җылылык саклау җайланмалары булмаган, шулай ук конструкциядә каралган җылылык көйләгечләре булмаганда яки ватык булганда башка электр җылыту приборларыннан файдалану;

 – кулдан ясалган, стандарт булмаган электр җылыту приборларын куллану;

 – электр челтәренә тоташтырылган электр җылыту приборларын, шулай ук  башка көнкүреш электр приборларын, шул исәптән әзерләүче завод инструкциясе нигезендә тәүлек әйләнәсе эшли торган режимдагылардан башка, көтү режимында торучы электр приборларын караучысыз калдыру;

– электр  щитлары, электр двигательләре һәм эшләтеп җибәрү аппаратурасы янында җиңел кабынып китә торган ягулык матдәләре һәм материаллары урнаштыру;

 – авария, башка төзү-монтаж һәм торгызу эшләрен башкарганда, электр приборларын тукландыру өчен билгеләнмәгән озынайткычлар, челтәр фильтрларын кертеп, вакытлыча ясап куелган электрүткәргечтән файдалану;

• төзек булмаган газ приборларыннан файдалану, шулай ук мебель һәм башка ягулык материалларын көнкүреш газ приборларыннан горизонталь буенча 0,2 метрдан һәм вертикаль буенча 0,7 метрдан (әлеге әйберләр һәм материаллар көнкүреш газ приборлары өстендә эленеп торганда) кимрәк арада урнаштыру;
• мичләрне һәм башка җылыту приборларын, янучы конструкцияләрне янгынга каршы бүлгечләрдән, мич алдындагы кимендә 0,5 x 0,7 метр зурлыктагы янмый торган калай табаклардан башка файдалану.

Ягып җылыту сезоны алдыннан мичләрне, шулай ук башка җылыту приборларын һәм системаларын тикшерергә һәм ремонтларга.

 Мичтән файдаланганда тыела:

• янып торучы мичләрне караучысыз калдыру, шулай ук аларны карауны балаларга тапшыру;
• ягулыкны, башка яна торган матдәләрне һәм материалларны мич алдындагы калай табакка кую;
• мичләрне кабызып җибәрү өчен бензин, керосин, дизель ягулыгы һәм башка тиз кабынып китүче һәм яна торган сыеклыкны куллану;
• мичләргә күмер, кокс һәм газ ягу, әгәр алар ягулыкның бу төрләре өчен билгеләнмәгән булсалар;
• төтен юллары итеп вентиляция һәм газ каналларыннан файдалану;
• мичләрне артык кыздыру.

Газ баллоннарын шәхси торак өйләрдә, фатирларда һәм торак бүлмәләрдә, шулай ук кухняларда, эвакуация юлларында, баскыч мәйданчыкларында, цоколь катларында, подвалларда һәм чарлак биналарында, балконнарда һәм лоджийларда саклау тыела.

 Көнкүреш газ плитәләре өчен (шул исәптән кухня плитәләре, су җылыту казаннары, газ колонкалары) газ баллоннары, газ плитәсенә тоташтырылган кимендә 5 литр сыйдырышлы заводта эшләнгән бер баллоннан кала, биналардан тыш янкормаларда  урнаштырыла.