8 март алдыннан Алексеевск районы кызларына беренче паспортларын тапшырдылар

Бәйрәм алдыннан Алексеевск районының алты кызына тантаналы төстә паспортлар тапшырылды.

Төп документны шатлыклы шартларда Россия Эчке эшләр министрлыгы бүлегенең Алексеевск районы буенча миграция пункты начальнигы Светлана Скворцова тапшырды.

– Илнең һәр яшь гражданы өчен бу искиткеч вакыйга, документ белән бергә сез бүген аерым хокуклар һәм вазыйфалар алдыгыз, аларның иң мөһиме – үз илеңне ярату һәм хөрмәт итү. Бу көн сезнең һәм әти-әниләрегезнең күңелендә мәңге саклансын.

 Сезгә яхшы укуыгызны һәм җәмәгать эшләрендә уңышларга ирешүегезне телим. Ә гаҗәеп матур язгы бәйрәм алдыннан барыгызга да күзләрегезнең шатлыктан балкуын, әйбәт кәеф, мәхәббәт һәм изге теләкләрегезнең гамәлгә ашуын телим, – диде Светлана Скворцова мәктәптә укучы кызларга.