“Фәнсар” да – булачак галимнәр

Ел әйләнәсе эшли торган яңа “Фәнсар” лагеренда Татарстанның булачак галимнәре тавышы яңгырады.
Лагерьның яңа биналарында кыш көне беренчеләрдән булып “Форпост” отряды көрәшчеләре булган иде. Ә менә бу юлы бирегә бөтен республикадан фәнгә һәвәс балалар җыелды.
Фәнни-гамәли конференция программасы шактый бай иде. Ул ике блокка бүленде. Беренчесендә – яшь физиклар, тарихчылар, җәмгыять белеме фәнен яратучылар, икенчесендә математиклар, биологлар, химиклар эшләде.
Темалар бик җитди. Тарихчылар семинарларның берсендә А.Солженицынның “Архипелаг ГУЛАГ” һәм З. Прилепинның “Лимонка в тюрьму” әсәрләре аша “Шәхес һәм дәүләт” темасын карадылар.
Район башлыгы Владимир Козонков фәнни форум белән кызыксынды һәм берничә дәрестә булды.