Мәктәп каникулларының соңгы көнендә ел саен үткәрелә торган “Белемгә омтылучан эрудитлар” фестивалендә катнашу өчен иң эрудицияле егетләр һәм кызлар беренче мәктәпкә җыелды.
Укучылар рус теле, робот техникасы, программалаштыру, театр осталыгы һәм башка фәннәрдә үз сәләтләрен күрсәттеләр.
Фестиваль йомгаклары буенча призлы урыннарны алган укучылар грамоталар белән бүләкләнделәр.