Алексеевск районында тагын бер Табыну Тәресе пәйда булды

–      Лебедино авыл җирлегенең өч авылы кешеләре дулкынланып көткән данлы вакыйга дүшәмбе көнне, 2 ноябрьдә булды. Төшкә кадәр сәгать ярым вакыт кала берсе – Лебединога һәм Березовая Гривага, ә икенчесе Новоспасскига илтә торган юл чатында “УАЗ”- буханка  микроавтобусы һәм берничә җиңел машина килеп туктады. Аларның пассажирлары, шушы өч авыл кешеләре, бирегә тәре куярга килделәр. Кайчандыр,  революциягә кадәрге Россиядә андый тәреләр һәр правослау авылына керү юлында торган. Данлы традиция кире кайта. Тәрене куярга фатиханы  Алексеевск протоиерие Павел Чурашов бирде. Ә иерей Анатолий Волков аны изгеләндерде һәм гыйбадәт кылды. Гыйбадәт кылганнан соң атакай гади сүзләр белән, бер-берегезне яратыгыз, бернәрсәгә дә, беркемгә дә рәнҗемәгез һәм иманнан таяныч табыгыз, дигән бик тә мөһим, кеше йөрәге һәм күңеле өчен кирәкле сүзләр сөйләде. Ә бүген биредә калкып чыккан Табыну Тәресе безне бәла-казадан саклаячак.