“Буыннар биюе”

Иҗади ярыш көнне һава торышы бик үк әйбәт булмауга карамастан, мәйданчыкта биергә һәм ретро-музыка тыңларга теләүчеләр күп җыелды. Бәйрәмне алып баручылар – район мәдәният йорты хезмәткәрләре белән бергә мультфильм персонажлары, халыкка социаль ярдәм күрсәтү хезмәткәрләре күп төрле күңелле музыкаль конкурслар уздырдылар. Пенсионерлар балалар белән бергә әйлән-бәйлән уйнадылар, вальс, замана һәм балалар биюләре биеделәр, ә “Хәрефләр биюе” конкурсында һәр катнашучы алфавит хәрефен күрсәтергә тиеш иде. Ә бу бик кызык килеп чыкты. Ә чара тәмамлангач, катнашучылар үзара аралаштылар, тәэсирләре белән уртаклаштылар, өйләренә таралырга ашыкмадылар.