“Кайгырту” приюты балалары янына кунаклар килде

Балалар тамаша башлануга ук персонажлар белән бергә әкият дөньясына кереп чумдылар, күңелле уеннар иле – Смехляндиягә юл алдылар. Юлда алар күп кенә станцияләргә керделәр, анда уйнадылар, биеделәр, төрле әкият геройларын тасвирлап күрсәттеләр. Ә дәртле конкурсларда катнашкан өчен приз итеп аларга үзләренә ошаган шарларны сайлап алырга тәкъдим ителде, ул шарлар Веселинка һәм Смешинка кулларында яхшы күңелле әкият геройларына әйләнделәр.  Ахыргы станциягә килеп җиткәч, балалар аквагрим ярдәмендә үзләре дә шул геройларга әйләнеп беттеләр.
Чара азагында балалар “Катык” рестораныннан алып кайтылган тәмле камыр ашлары белән күңелле итеп чәй эчтеләр.