“Бердәм Россиянең яшь гвардиясе” активистлары ашамлыкларның яраклылык срокларын тикшерделәр

Бу көтелмәгән тикшерү “Яшь гвардия” гамәлгә ашыра торган «Агентлар» проекты кысаларында булды. Активистлар алексеевскилылар өчен популяр кибетләрнең берсенә сроклары чыккан продуктларның сатылу-сатылмавын ачыклау максатында килделәр. Яшьгвардиячеләр аерым игътибарны сөт ризыклары куелган киштәгә юнәлдерделәр, чөнки җәйге челләдә ашамлыкларның бу төркеме югары температурада бик тиз бозылучан. Акция барышында таләпләргә туры килмәүче товарлар табылмады.